9 май куни Россия президенти Владимир Путинни парадга кузатиб бораётган машиналар орасида Хитойнинг Таnk 500 русумли йўлтанламас автомобили кўзга ташланди, деб ёзмоқда The Moscow Times.
Россия Федерал хавфсизлик хизмати ходимлари бирин-кетин расмий машиналарни ўзгартирмоқда. Toyota ва Mercedes автомобиллари ўрнига улар Хитой Таnk’идан фойдаланишга ўтмоқда.
Таnk 500 Россия президенти кортежида пайдо бўлгандан сўнг дарҳол унинг нархи 20 фоизга ошди. Россияда бу автомобилнинг асосий версияси нархи ҳозирда 6,5 миллион рублдан (81 минг доллар) максимал 7 миллион рублга (87 минг доллар) етади. Бироқ Россияда бу автомобилларнинг захиралари йўқ. Натижада Таnk 500 ни сотиб олиш учун навбат пайдо бўлган: етказиб беришни кутиш муддати камида икки ой.
Захирадаги Ғарб брендлари деярли сотиб бўлингандан кейин Хитой автомобиллари рус автомобилларга асосий муқобил бўлиб қолмоқда.
Изоҳ (0)