Туркия президентлигига номзод Камол Қиличдарўғли ҳокимиятни амалдаги президент Ражаб Тоййиб Эрдўғонга қолдирмоқчи эмаслигини айтди. Бу ҳақда у Twitterъдаги саҳифасида маълум қилди.
Камол Қиличдарўғли сайловнинг иккинчи босқичида ютқазмоқчи эмаслигини қайд этди.
“Биз ватанимизни кеча Буюк Яқин Шарқ ҳамраиси бўлган, энди эса эътиборини эшигига таъзим қилиб, Россияга қаратган сохта дунё етакчисига қолдирмаймиз”, — деди сиёсатчи.
6 май куни Эрдўғон сайловда ғалаба қозонса, Россия, АҚШ ва бошқа давлатларга нисбатан илгари олиб борган сиёсатни давом эттиришини айтди. Унинг фикрича, барча давлатлар билан ҳамкорлик Туркия учун фойдали.
Бундан аввалроқ эса Қиличдарўғли Россияни фитнада айблаб, агар президентлик сайловларидан кейин Туркия билан ҳамкорликни давом эттиришдан манфаатдор бўлса, “турк давлатидан қўлини олишга” чақирганди.
Эрдўғон бунга жавобан хорижий давлатлар билан алоқа қилишда 20 йиллик тажрибага эгалиги, уларнинг асл ниятларини яхши билишини таъкидлаган. Туркия етакчиси Қиличдарўғли ва унга ўхшаганларнинг баёнотлари мамлакат тараққиётини тўхтатиш ва “Туркиянинг 100 йиллиги” концепцияси мақсадларига эришишга тўсқинлик қилмоқчилигини айтган. У мазкур баёнотни уятли деб атаган.
Маълумот ўрнида, Туркияда 14 май куни бўлиб ўтган сайловда президентликка номзодларнинг ҳеч бири 50 фоиздан кўп овоз тўплай олмади, шу муносабат билан мамлакатда расман овоз беришнинг иккинчи босқичи ўтказилади.
Сайлов қутиларининг 100 фоизи очилиши натижаларига кўра, амалдаги президент Ражаб Тоййиб Эрдўғон 49,51 фоиз, мухолифат номзоди Камол Қиличдарўғли 44,88 фоиз, “Отатуркчилар иттифоқи”дан Синан Оган 5,17 фоиз овоз олган.
Изоҳ (0)