Япония ва Европа Иттифоқи давлатлари вакиллари АҚШнинг “Катта еттилик” — G7 давлатларининг Россияга барча экспортларини тақиқлаш таклифига қарши чиқди. Бу ҳақда манбаларга таяниб Financial Times хабар бермоқда.
“Бизнингча буни амалга ошириш мумкин эмас”, — дея таъкидлаган нашр манбаларидан бири.
Европа Иттифоқи ва Япония расмийлари Қўшма Штатлар бу таклифни Вашингтоннинг Россия Федерациясига Ғарб технологияларини импорт қилишни давом эттириш имконини берувчи жорий тизимдан норозилиги кучайиб бораётган бир пайтда берди деб ҳисобламоқда.
Аввалроқ Bloomberg Америка Қўшма Штатлари ва унинг иттифоқчиси бўлган давлатлар Россияга экспортни деярли бутунлай тақиқлаш масаласини кўриб чиқаётгани ҳақида хабар берганди.
Қайд этилишича, “Катта еттилик” мамлакатлари вакиллари май ойида Японияда бўлиб ўтадиган G7 саммити олдидан ушбу ғояни муҳокама қилмоқда.
Россия Федерацияси Хавфсизлик Кенгаши раиси ўринбосари Дмитрий Медведев G7 мамлакатлари томонидан Россияга товарлар экспортини тўлиқ тақиқлаш эҳтимоли улар учун ғалла шартномасини бекор қилишга ва бошқа кўп нарсаларга олиб келиши мумкин деган фикрни билдирган
Изоҳ (0)