Давлат статистика қўмитаси 2023 йил январь—март ойлари бўйича улгуржи савдо айланмасини эълон қилди.
Улгуржи савдо товар айланмаси — қайта сотиш мақсадида сотиб олинган ва тадбиркорлик фаолиятида фойдаланиш учун учинчи томон ташкилотларига ўзгартирмаган ҳолда жўнатилган товарларнинг ушбу товарлар учун ҳақ тўланадиган ёки тўланмаганлигидан қатъий назар қиймати.
Мамлакат бўйича улгуржи савдо айланмаси 42 трлн сўм, яъни 2022 йилнинг январь—март ойларига нисбатан 8,8 фоизга ўсган.
Таркибий қисмлари 66,6 фоиз микрофирма ва кичик корхоналари ва 33,4 фоиз йирик корхоналар ҳиссасига тўғри келди.
Кичик бизнес субъектларининг улгуржи савдо айланмасидаги улуши 28 трлн сўмни ташкил қилган. Бу эса 2022 йилнинг мос даврига нисбатан 0,8 фоизга ўсишни англатади.
Улгуржи савдо товар айланмасида юқори ўсиш суръатларига эга энг йирик корхоналар Наманган, Самарқанд ва Қашқадарё вилоятларида кузатилди.
2023 йил 1 апрель ҳолатига, улгуржи савдо соҳасида фаолият кўрсатаётган тижорат корхоналари сони 45 500 тани ташкил этди. Шундан, фаолият кўрсатаётган йирик корхоналар сони 326 тани, кичик корхона ва микрофирмалар сони 45 174 тани ташкил қилди.
Изоҳ (0)