Қорақалпоғистон Республикаси Мактабгача ва мактаб таълими вазири ва унинг икки нафар ўринбосари тайинланди. Бу ҳақда “Kknews.uz” хабар берди.
Маълум қилинишича, Ахмет Наримбетов мактабгача ва мактаб таълими вазири лавозимига тайинланган. У бунга қадар Қорақалпоғистон халқ таълими вазири лавозимида фаолият юритиб келаётган эди.
Шунингдек, Гулзира Бахиева мактабгача таълим бўйича, Нурсулиу Балтабаева эса тарбиявий ишлар ва ихтисослашган муассасаларни мувофиқлаштириш бўйича мактабгача ва мактаб таълими вазирининг ўринбосари лавозимига тайинланган.
.jpg)
Президент Шавкат Мирзиёевнинг 2022 йил декабрь охиридаги фармони билан Ҳилола Умарова мактабгача ва мактаб таълими вазири лавозимига тайинланган эди. Шу йилнинг 24 март санасида бўлса Агриппина Шин мактабгача ва мактаб таълими вазирининг 1-ўринбосари — Мактабгача таълим агентлиги директори этиб тайинланди.
Изоҳ (0)