Озишни бошлаган бўлсангиз, емаслигингиз керак бўлган 8 хил мева

Мева ёки резаворларнинг ҳаммаси ҳам тез вазн йўқотишга ёрдам бермайди. Кўпинча улар парҳезга умуман тўсқинлик қилмаслигига ишонамиз. Аслида бу қараш мутлақо нотўғри. Дарҳақиқат, кўп мевалар ширинлик ўрнини босади ва витаминларга бойдир. Аммо тезда вазн йўқотишни итасангиз, баъзи мевалардан (ҳеч бўлмаганда вақтинча) воз кечган яхши.

Авокадо

Ҳа, айнан шу мева. Авокадо юқори калорияли мева ҳисобланади: 100 граммда тахминан 160 килокалория мавжуд. Шу билан бирга авокадо фойдали ёғларга бой бўлиб, терига яхши таъсир қилади. Шунинг учун уни бутунлай тарк этишнинг ҳожати йўқ, лекин меъёрга амал қилиш керак.

Кокос

Яна бир юқори калорияли — жуда тотли бўлса ҳам — мева (гарчи ботаника нуқтаи назаридан у дуккакли бўлса ҳам). Кокос ёнғоғи суви айни парҳез маҳсулотидир, аммо мағзи кўп миқдорда истеъмол қилинганда, нафақат вазн йўқотишни секинлаштириши, балки килограмм ортишига олиб келиши ҳам мумкин.

Қуруқ мевалар

Парҳезнинг эрта босқичларида туршак, майиз, қуритилган олхўри ва бошқа зарарли ширинликлардан воз кечишга ёрдам беради, аммо қуритилган мевалар жуда кўп калория ва шакарни ўз ичига олади. Шу боис агар озишни истасангиз, уларни ўртача миқдорда истеъмол қилганингиз маъқул.

Банан

Банан калийга бой ва овқат ҳазм қилиш учун фойдалидир, лекин парҳез боп ҳисобланадиган бу мева ҳам юқори калорияга эга. Битта банан тахминан 150 килокалорияни ўз ичига олади, шунинг учун бир нечта мева истеъмоли кунлик калория меъёри ортишига олиб келади.

Манго

Яна бир ниҳоятда мазали, лекин жуда ширин мева. Агар чиндан ҳам тановул қилишни хоҳласангиз, оз миқдорда истеъмол қилинг.

Узум

Бир бош узумда 15 граммгача шакар бўлиши мумкин. Парҳезда бўлсангиз, буни инобатга олиш жуда муҳим. Гарчи узум холестерин билан муваффақиятли курашадиган антиоксидантларга бой бўлса ҳам.

Олма

Эҳтимол, рўйхатдаги энг кутилмаган мева шудир. Чунки олма нисбатан паст калорияли мевадир. Шунга қарамай, ширин навли битта ўртача олма таркибида 19 граммгача шакар бор. Шу жиҳатдан кўпроқ кислотали (асосан яшил) навларга эътибор қаратган маъқул.

Анор

Анор витаминларга бой ва юрак муаммолари хавфини камайтиради. Аммо шуни ёдда тутингки, битта анорда 39 граммгача шакар мавжуд. Тез вазн йўқотишни истасангиз, бу мевадан бир муддат воз кечганингиз маъқул.

Мавзуга доир:

• Ҳар қандай парҳездан кўра ёғни тезроқ эритадиган 8 хил озиқ-овқат маҳсулоти
• Вазн йўқотишингизга тўсқинлик қиладиган 7 та хато
• Кефирли гречка: уларни биргаликда истеъмол қилиш кераклигининг 13 сабаби