Кўпчилик чойнинг фойдасига шубҳа қилади. Аммо бу ичимлик минг йиллар давомида дори тариқасида ичилган. Marie Claire нашри мия фаолиятини яхшилашга ва яллиғланишни енгиллаштиришга ёрдам берадиган уч хил чойнинг фойдали хусусиятлари ҳақида маълумот берди.
Альцгеймер касаллиги даволаб бўлмайдиган дегенератив касаллик бўлиб, касаллик давомида когнитив қобилиятлар бузилади: хотира аста-секин ёмонлашади, вақт ва маконда ориентация, инсонлар ва нарсаларни таниб олиш қобилияти йўқолади. Бу касаллик 65 ёшдан кейин ривожланади, бироқ касаллик эрта ёшда бошланган ҳолатлар ҳам мавжуд.
Касалликнинг ҳеч қандай давоси йўқ, бироқ соғлом турмуш тарзини олиб бориш ва мия учун фойдали хусусиятларга эга озиқ-овқат, ичимликлар истеъмол қилиш орқали Альцгеймер касаллигини ривожланиш хавфини сезиларли даражада камайтириши мумкин. Бунга уч хил чой ёрдам бериши мумкин, улар мунтазам равишда истеъмол қилинганда (кунига 2-4 стакан) касалликнинг олдини олиш ва умуман когнитив қобилиятларнинг ёмонлашуви учун ажойиб восита бўлиб хизмат қилади.
Мойчечакли чой
“Лаборатория тадқиқоти мойчечак ўзининг антиоксидант таркиби туфайли хотирани яхшилашга ва эркин радикалларни ёқиб юборишга ёрдам беради. Шунинг учун у Альцгеймер касаллигининг олдини олиш учун фойдали бўлиши мумкин”, — терапевт-врач Жилл Женкинс интервьюсида.
Апигенин ва лутеолин каби яллиғланишга қарши бирикмаларга бой мойчечак мия ҳужайраларининг ривожланишига ёрдам беради ва улар орасидаги алоқаларни мустаҳкамлайди.
Наъматакли чой
Наъматак антиоксидантларга бой ва мия ҳужайраларини яллиғланишдан ҳимоя қилади. “Хусусан, наъматакнинг хотира бузилиши билан боғлиқ бўлган “қоронғи нейронлар”нинг шаклланишини секинлаштириши кўрсатилди”, — дейди Женкинс.
Наъматакли чой ушбу касаллик ташхиси қўйилганлар учун ҳам фойдали: тадқиқотлар шуни кўрсатадики, ичимлик касалликдан келиб чиққан когнитив бузилиш таъсирини камайтиради.
Ялпизли чой
Ялпизнинг фойдали хусусиятлари унинг асосий таркибий қисмларидан бири — розмарин кислотасида ётади. “Ялпизга келсак, тадқиқотлар унинг мияда Альцгеймер касаллиги билан боғлиқ бўлган ўзига хос оқсиллар, амилоид фибриллаларининг шаклланиши ва чўкишига таъсирини кўриб чиқади. Ялпизнинг асосий таркибий қисмларидан бири, розмарин кислотаси амилоид фибриллаларининг шаклланишига тўсқинлик қилиши ва агар улар мияда мавжуд бўлса, “эритиб юбориши” кўрсатилган”, — дейди доктор Женкинс.
Изоҳ (0)