29 yanvar, 17:35

Kefirli grechka: ularni birgalikda isteʼmol qilish kerakligining 13 sababi

Toʻgʻri, grechka doni hech kimni ajablantirmaydi. Ammo unga boshqa bir mahsulot qoʻshsangiz, taʼsiri kuchliroq boʻladi. Ertalabki kefir bilan grechka vazn yoʻqotish va toksinlardan xalos boʻlishga qanday yordam berishini aytamiz.

Salomatlik holati (albatta, vazn ham) nafaqat turmush tarziga, balki ovqatlanishga bogʻliq. Organizmga salbiy taʼsir koʻrsatadigan, toksinlarni oʻz ichiga olgan koʻplab oziq-ovqatlar mavjud. Ammo, aksincha, bu toksinlardan xalos boʻlishga yordam beradigan “duet” — grechka va kefir haqida gapiramiz.

Grechkaning foydalari

Grechkali taomlar uzoq vaqtdan beri mashhur boʻlib kelgan. U past kaloriyali boʻlsa ham juda foydali. Grechka tarkibida A (beta-karotin shaklida), E (tokoferol), P (bioflavonoid rutin), B guruhi (tiamin, riboflavin, niasin, piridoksin, foliy kislotasi) vitaminlari mavjud. Grechkaning vitamin va minerallar “jamoasi” kaliy, magniy, fosfor, kaltsiy, rux, selen va boshqa koʻplab muhim mikro va makro elementlar bilan boyitilgan. Koʻp miqdorda oʻsimlik uglevodlari (30 foizgacha), aminokislotalar arginin, lizin, metionin, triptofan, shuningdek, limon kislotasi tufayli organizmda metabolizm normallashadi, organizmda suv-tuz va kislota — bazaviy muvozanat saqlanadi. Grechkaning bunday xilma-xil va muvozanatli biokimyoviy tarkibi uning yuqori energiya va ozuqaviy qiymati, shuningdek, donli parhez mahsulotlari orasida munosib yetakchilikni egallaydi.

Grechkaning muhim xususiyatlari:

Qonda gemoglobin miqdorini oshiradi;
Qand darajasini tartibga soladi;
Zararli xolesterinni yoʻqotadi;
Qon tomirlarini mustahkamlaydi, shikastlanishdan himoya qiladi;
Grechka oqsili goʻsht oqsiliga oʻxshaydi, shuning uchun toʻyimlilik hissi uzoq vaqt davom etadi;
Grechkani muntazam isteʼmol qilish saraton xavfini kamaytirishi mumkin.

Kefirning foydalari

“Duet”ning ikkinchi komponenti kefirdir. U kalsiyga boyligi bilan mashhur. Kuniga atigi bir stakan qatiq bu moddaning kunlik dozasini olish imkonini beradi. Bundan tashqari, kefir tarkibida juda koʻp miqdorda protein va bir oz yogʻ mavjud.

Kefirning foydali xususiyatlari:

Undagi mikroorganizmlar ichak mikroflorasi tarkibini tartibga solishda ishtirok etadigan ijobiy bakteriyalar uchun qulay muhit yaratadi. Bu ovqat hazm qilishni yaxshilaydi, shunda oziq-ovqat qoldiqlari ichaklarda turgʻun qolib ketmaydi;
Kefir oʻt pufagi va jigar kasalliklari faoliyatini yaxshilaydi;
Hatto, yurak ham oson ishlaydi, chunki bu organga yuk kamayadi;
Asab tizimining holati barqarorlashadi;
Ijobiy taʼsirlardan yana biri — kefir jigar sirrozi va saraton kasalligini oldini oladi;
Sutga allergiyasi boʻlgan odamlar ham kefir ichishlari mumkin, chunki u gippoallergenlik xususiyatiga ega.

Grechkali kefirning qanday foydasi bor?

Ushbu mahsulotlarni birgalikda isteʼmol qilish organizmni tozalaydi hamda ortiqcha vaznni yoʻqotishga sabab boʻladi. Tozalash jarayoni tabiiy yoʻl bilan, obdon va ogʻriqsiz sodir boʻladi.

Kefirli yormalar zaharlanishdan keyin ham tavsiya etiladi, chunki u oshqozonga asta taʼsir qiladi va organizmdan toksinlarni chiqarib yuborishga yordam beradi.

Tozalash effektini sezish uchun kefirli grechkani ertalab isteʼmol qilish tavsiya etiladi, chunki kunning shu vaqtida ichaklarning ishi tezlashadi va organizm foydali elementlarni soʻrib olishga tayyor boʻladi. Kefirli grechkani tayyorlash uchun bir qancha xalqona retseptlari mavjud. Internetdagi sharhlarga koʻra, ularning har biri organizmga ijobiy taʼsir qiladi. Quyidagi retseptlardan oʻzingizga maʼqul variantni tanlab olishingiz mumkin.

Tonggi kefirli grechka organizmni tozalaydi

Organizmni tozalash uchun kefir bilan grechkani tayyorlashning ikki xil yoʻli mavjud.

Termosni olib, ichiga yuvilgan grechkani soling va ustiga qaynoq suv quying. Donlar suvdan uch baravar kam boʻlishi kerak. Bir kecha mobaynida kuting va tozalovchi nonushta ertalabgacha tayyor boʻladi. Unga bir stakan kefir qoʻshish va tayyor boʻlgan qorishmani yeyish qoldi.

Kechqurun kefir bilan xom grechkani oʻzaro aralashtirib, muzlatgichga qoʻying. Kefir fermentlangan sut mahsuloti boʻlgani uchun uni muzlatgichdan tashqarida saqlamang. Ochiq havoda zararli boʻlgan salmonellalar foydali sut kislotasi bakteriyalari bilan aralashib ketishi mumkin. Aks holda, tozalash zaharlanishga aylanadi.

Grechkadan qancha, kefirdan qancha miqdorda qoʻshish xohishga bogʻliq. Faqat bir martalik isteʼmol miqdorni yaʼni, taxminan 200-300 gramm aralashmani tayyorlagan maʼqul.

Na birinchi, na ikkinchi usul boʻtqaga tuz, shakar yoki yogʻ qoʻshilmaydi. Bu yangi shaklda grechka pyuresi nafaqat nonushta, balki tabiiy dori boʻladi.

Organizm qanday tozalanadi?

Optimal sxema

Kursni yiliga ikki marta 10 kun davomida olib boring, tez-tez emas. Ertalab och qoringa bir stakan suv ichish kerak, 15-30 daqiqadan soʻng grechka va kefir bilan nonushta qiling. Kun davomida oziq-ovqatning qolgan qismi normal boʻlib qoladi.

Kuchli sxema

Bunda kefirli grechka diyetaning asosiga aylanadi. Ularga qoʻshimcha ravishda faqatgina meva, sabzavotlarni isteʼmol qilishingiz, shakarsiz choy ichishingiz mumkin. Ammo bunday diyetadan oldin shifokor bilan maslahatlashish tavsiya etiladi. Chunki ochlik bilan bogʻliq parhezlarda shifokor maslahati zarurdir.

Kefirli grechka ozishga yordam beradi

Ushbu qorishma ichak mikroflorasining muvozanatini tiklashga, toksinlardan xalos boʻlishga va ovqat hazm qilishni toʻliq normallashtirishga yordam beradi. Hatto, alohida-alohida isteʼmol qilinganda ham bu ikkala mahsulot juda foydali. Va “duet”da ular yanada yaxshi ishlaydi: nafaqat organizmni tozalash uchun, balki vazn yoʻqotish va umumiy tiklanish uchun ham. Bu qorishma organizmga obdon tozalash imkonini beradi.

Don yadrolari xuddi choʻtka kabi ishlaydi. Ichak devorlarini turli xil oziq-ovqat qoldiqlaridan tozalaydi. Boshqa tomondan, kefir tanani yogʻlar va yetishmayotgan suyuqliklar bilan toʻldirib, uni tanadan chiqarib yuboradigan kanal vazifasini bajaradi. Kilo yoʻqotish uchun bu xususiyatlari tufayli u idealdir. Bundan tashqari, ikkala tarkibni ham har qanday doʻkondan choʻntakbop narxda sotib olish mumkin.

Organizmni tozalash uchun ushbu parhezga 4 kun mobaynida amal qilish kifoya, shunda natijani koʻrasiz. Biroq, ketgan kilogrammlar soni sizning shaxsiy xususiyatlaringizga ham bogʻliq. Baʼzilar ikki hafta ichida siz 2-3 kilogramm ortiqcha vaznni yoʻqotishingiz mumkinligini aytadi.

Biroq, baʼzilar uchun bunday parhez uchun qarshi koʻrsatmalar bor. Bu tutish qiyin boʻlgan parhez menyu har doim vazn yoʻqotish uchun mos kelmaydi. Shu bois diyetani boshlashdan oldin, shifokor bilan maslahatlashish tavsiya etiladi.

Klassik usul — 15 kun davomida nonushta, tushlik va kechki ovqat uchun grechkali pyure va kefir. Yogʻ miqdori kam boʻlgan, ammo butkul yogʻsiz boʻlmagan kefir tanlang. Ozish uchun kefir bilan grechkadan foydalanishning retsepti oddiy: yormani pishirishning hojati yoʻq, uni ziravorlarsiz 12 soat davomida qaynoq suvda qoldiring yoki kefir bilan aralashtirib bir kecha mobaynida kuting. Ushbu qorishmadan cheksiz miqdorda foydalanishingiz mumkin, faqat uyquga yotishdan 3 soat oldin uni isteʼmol qilishni toʻxtatish kerak. Odatda kuniga 4 ta porsiya yetarli hisoblanadi. Ratsionning boshida koʻproq isteʼmol qilish odatiy holdir va oxirida qism yarmiga kamayadi. Bu shuni koʻrsatadiki, organizm allaqachon kamroq ovqat isteʼmol qilsa ham toʻyimlilikni his qilishga koʻnikib qolgan. Odatiy ovqatlanish tarziga qaytganda ham bu taʼsir oʻz kuchida qolishi kerak. Ichak va oshqozon zoʻriqib qolmasligi uchun buni asta-sekin bajargan maʼqul.

Siz boshqa bir variantni sinab koʻrishingiz mumkin: bir kun kefirda, bir kun grechkada. Avvaliga siz juda koʻp ovqat yeyishingiz mumkin. Keyinchalik ham koʻproq ovqatlanish istagi tugʻilsa, oz miqdorda barra sabzavot va mevalardan isteʼmol qilishing. Shuningdek, suv ichish rejimini kuniga 2-2,5 litrgacha oshirish muhimdir. Kuch va chidamliligingizga ishonmasangiz, unda siz diyetani bir haftaga qisqartiring. Bunda natija kamroq boʻladi, ammo umumiy holatning yaxshilanishi sezilmay qolmaydi.

Tayyorgarlik davri va parhezdan chiqish

Parhez vaqtida dastlabki bosqich juda muhim, chunki butun ovqat hazm qilish tizimini sezilarli darajada boʻshatishga va uni keyingi tozalash jarayoniga yordam beradi. Shuningdek, koʻp miqdorda oziq-ovqat isteʼmol qilishga odatlangan oshqozon hajmini kamaytiradi. Shuning uchun grechka diyetasi boshlanishidan bir necha kun oldin, toʻyib ovqatlanmaslik, undan ogʻir yogʻli ovqatlarni chiqarib tashlash, sabzavot va mevalar miqdorini oshirish tavsiya etiladi. Kefirli grechka ratsiondan chiqishni ham asta-sekin amalga oshirish tavsiya etiladi.

Mavzuga doir:

Izoh(0) Biz Telegram’da

Ulashing:

Izoh