Ерни 1 ва 2 апрель кунлари магнит бўронлари қоплайди. Бу ҳақда сунъий йўлдош тизимлари ва дунё бўйлаб илмий халқаро метеорология лабораториялари маълумотларидан фойдаланган ҳолда онлайн прогнозни амалга оширувчи Meteoagent хабар берди.
Апрелнинг биринчи ва иккинчи кунларида К-индексида 4 даражада магнит бўрони кузатилиши кутилмоқда. Худди шу даражадаги навбатдаги фаоллик 10 ва 11 апрель кунлари бўлади.
Кейинги магнит бўрони 16 ва 17 апрель кунлари 4 балли даражада бўлиши прогноз қилмоқда. Апрель ойининг охирги ва энг кучли магнит бўрони эса 20 ва 21 апрель кунлари кузатилиб, унинг кучи 6 даражани ташкил қилиши мумкин.
Эслатиб ўтамиз, аввалроқ олимлар Қуёшда Ердан 20 марта катта янги улкан “тешик”ни аниқлаганди. У 31 март ёки 1 апрель куни кучли магнит бўронларига сабаб бўлиши таъкидланган. Қора “тешик”дан эсаётган иссиқ шамол оқими соатига 2,9 миллион километр тезликда ҳаракатланмоқда.
Магнит бўронининг саломатликка таъсири
Магнит бўронлари ҳатто ўрта кучга эга бўлса ҳам, инсон саломатлигига салбий таъсир кўрсатади. Магнит бўронининг салбий таъсирининг энг кенг тарқалган кўринишлари қуйидагилар:
- бош айланиши ва бош оғриғи;
- уйқу бузилиши;
- диққатни жамлаш билан боғлиқ муаммолар;
- қон босимнинг бузилиши;
- сурункали касалликларнинг кучайиши;
- оғриқлар, шунингдек, бўғимлардаги оғриқ;
- иштаҳа бузилиши ва кўнгил айниши;
- ҳолсизлик.
Бундай кунларда организмга ёрдам бериш учун кунига камида 7-8 соат ухлаш маслаҳат берилган. Овқат ратционидан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.
Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.
Изоҳ (0)