Yerni 1 va 2-aprel kunlari magnit bo‘ronlari qoplaydi. Bu haqda sun’iy yo‘ldosh tizimlari va dunyo bo‘ylab ilmiy xalqaro meteorologiya laboratoriyalari ma’lumotlaridan foydalangan holda onlayn prognozni amalga oshiruvchi Meteoagent xabar berdi.
Aprelning birinchi va ikkinchi kunlarida K-indeksida 4 darajada magnit bo‘roni kuzatilishi kutilmoqda. Xuddi shu darajadagi navbatdagi faollik 10 va 11-aprel kunlari bo‘ladi.
Keyingi magnit bo‘roni 16 va 17-aprel kunlari 4 balli darajada bo‘lishi prognoz qilmoqda. Aprel oyining oxirgi va eng kuchli magnit bo‘roni esa 20 va 21-aprel kunlari kuzatilib, uning kuchi 6 darajani tashkil qilishi mumkin.
Eslatib o‘tamiz, avvalroq olimlar Quyoshda Yerdan 20 marta katta yangi ulkan “teshik”ni aniqlagandi. U 31-mart yoki 1-aprel kuni kuchli magnit bo‘ronlariga sabab bo‘lishi ta’kidlangan. Qora “teshik”dan esayotgan issiq shamol oqimi soatiga 2,9 million kilometr tezlikda harakatlanmoqda.
Magnit bo‘ronining salomatlikka ta’siri
Magnit bo‘ronlari hatto o‘rta kuchga ega bo‘lsa ham, inson salomatligiga salbiy ta’sir ko‘rsatadi. Magnit bo‘ronining salbiy ta’sirining eng keng tarqalgan ko‘rinishlari quyidagilar:
- bosh aylanishi va bosh og‘rig‘i;
- uyqu buzilishi;
- diqqatni jamlash bilan bog‘liq muammolar;
- qon bosimning buzilishi;
- surunkali kasalliklarning kuchayishi;
- og‘riqlar, shuningdek, bo‘g‘imlardagi og‘riq;
- ishtaha buzilishi va ko‘ngil aynishi;
- holsizlik.
Bunday kunlarda organizmga yordam berish uchun kuniga kamida 7-8 soat uxlash maslahat berilgan. Ovqat ratsionidan yog‘li va achchiq ovqatlarni olib tashlab, kuniga kamida 2 litr suv ichish tavsiya qilinadi. Qahva miqdorini kamaytirib, o‘simliklardan tayyorlangan choy iste’mol qilish kerak.
Shuningdek, kontrastli dush, ertalabki mashqlar, toza havoda yurish, yugurish magnit bo‘roni fonida salomatlikni yaxshilashga hissa qo‘shadi.
Izoh (0)