Quyosh yuzasida ulkan “teshik” paydo bo‘ldi, u 31-mart kuni Yer tomonga quyoshli shamollar to‘lqinini haydashi mumkin. Bu haqda Science Alert xabar bermoqda.
Xabar qilinishicha, bu so‘nggi vaqtlarda aniqlangan ikkinchi “teshik”. Yaqinda Quyoshda Yerdan 30 baravar kattaroq tojli “teshik” topilgan. Endigi teshikning o‘lchami Yerdan 18—20 baravar katta, biroq u chiqaradigan quyoshli shamol bizga zarar keltirmaydi.
Tojli “teshiklar” koinotga Quyoshdan qaynoq shamol chiqaradi, bu esa sun’iy yo‘ldoshlarga zarar yetkazishi va Yerda qutb yog‘dularini keltirib chiqarishi mumkin.
Olimlarning fikricha, yangi “teshik” Quyosh ekvatoriga yaqin nuqtada joylashgan. Tojli “teshiklar” juda keng tarqalgan, lekin ular odatda Quyosh qutblariga yaqinroq joyda ko‘rinadi.
Olimlarning fikricha, tojli “teshiklar” sekundiga 800 kilometrdan ortiq tezlikda juda tez qaynoq shamollarni keltirib chiqarishi mumkin.
“Ushbu tojli teshikning shakli unchalik o‘ziga xos emas. Biroq uning joylashuvi qiziq”, — deydi London Universitet kolleji fazo va iqlim fizikasi dotsenti Daniel Versharen. Uning aniqlik kiritishicha, quyoshli shamol Yerga taxminan 31-mart, juma kuni kechqurundan 1-aprel, shanba kuni ertalabgacha yetib keladi.
Izoh (0)