Шифокорлар диабетни “найранглари” кўп касалликлардан бири деб аташлари бежиз эмас: унинг эрта босқичида одамга ҳеч нарса зарар етказмайди ва деярли ҳеч қандай шикоятлар бўлмайди. Аммо соғлиққа эҳтиёткорлик билан муносабатда бўлсангиз, айрим ўзгаришларни сезишингиз мумкин. Уларни ўтказиб юборманг!
Биринчи тоифа диабет белгилари
Биринчи тоифа диабет кўпинча жуда тез ривожланади ва аниқ аломатлар билан бирга намоён бўлади. Иштаҳа кескин очилади аммо шунга қарамай одам сезиларли вазн йўқотади. Доимий чарчоқ, чанқоқ кучайиши, ҳожатхонага бориш истаги жуда тез-тез пайдо бўлади — баъзан кечаси бир неча марта туришга тўғри келади. Симптомлар одатда тўсатдан пайдо бўлади ва уларни пайқамай қолиш деярли имконсиз.
Иккинчи тоифа диабетнинг белгилари
Ушбу турдаги диабет энг кенг тарқалган бўлиб, шу билан бирга, уни ташхислаш қийинроқ. Чунки касаллик секин ривожланади ва аломатлар енгилдир. Бу ҳолда нималарга эътибор бериш керак?
- Чанқоқ ва оғизнинг қуриши. Одам аввалгидан кўра кўпроқ суюқлик ичишни хоҳлайди ва баъзи ҳолларда истеъмол қилинадиган суюқлик миқдори кунига 3-5 литргача ошади.
- Озиб кетиш. Вазн тезда пасаяди, турмуш тарзи ва одатий овқатланиш бир хил бўлиб қолса ҳам. Баъзида иштаҳа кескин очилади.
- Доимий чарчоқ. Эрталаб тонгданоқ бутунлай чарчаганингизни, асабийлашиш, ҳолсизлик, уйқучанлик пайдо бўлганини ҳис қиласиз.
- Пешоб қилиш табиатидаги ўзгаришлар. Бу аввалгидан кўра кўпроқ содир бўлади.
- Кўнгил айниши. Тўсатдан кўнгил айниши ва қайт қилиш кузатилади.
- Қўл ва оёқлар увишиши, бармоқларда санчиш ҳисси.
- Терининг қуруқлашиши. Тери қурийди, қичишиш пайдо бўлади, яралар ва жароҳатлар одатдагидан кўра узоқроқ битади.
- Юқори қон босими.
- Сийдик чиқариш йўлларининг инфекциялари.
Фото: “Новий очаг”
Нега диабет белгиларини эътиборсиз қолдириб бўлмайди?
Қандли диабет энг хавфли касалликлардан бири бўлиб, даволанмаса гипогликемия ва том маънода 2-3 соат ичида ривожланиши мумкин бўлган комага олиб келади. Кўпинча диабет юрак, буйраклар, кўриш қобилиятининг пасайиши (кам ҳолларда бутунлай кўрлик) ва асаб тизими билан боғлиқ муаммоларни келтириб чиқаради.
Мавзуга доир:
Изоҳ (0)