Бугун,

  • USD 11095.31
  • RUB 173.84
  • EUR 10772.44

Украина президенти Владимир Зеленский 23 март куни Европа кенгаши йиғилиши иштирокчиларига мурожаатида Россия—Украина урушининг тугашини тезлаштиришга нима тўсқинлик қилаётганини тушунтириб берди.

Фото: Украина президенти офиси

Зеленский можаро ривожига Ғарб томонидан Украинага замонавий қирувчи самолётлар ва узоқ масофага учувчи қуролларни топшириш бўйича қарорларнинг кечикиши таъсир кўрсатаётганини таъкидлади.

“Агар Украина ва Европа ўртасидаги ҳамкорликда кечикишлар ёки турғунлик бўлмаса, биргаликдаги саъй-ҳаракатлар Украина ғалабаси сари қатъий йўналтирилса, ғалаба шу йили бўлади. Қанчалик тез бирга ҳаракат қилсак, шунчалик кўп одамлар ҳаётини сақлаб қоламиз”, — деди Зеленский.

Шунингдек, Украина президентининг сўзларига кўра, террор учун Россияга қарши янги ва кучлироқ санкциялар жорий этиш йўлида фаолроқ бўлиш зарур. Бундан ташқари, Украинанинг Европа интеграцияси учун янги қадамлар керак.

“Бу Украина мудофааси учун ҳам, Европа тизимини ҳимоя қилиш учун ҳам муҳим. Бу Европани доимий равишда кучайтириб боришнинг объектив эҳтиёжини қондиради, чунки фақатгина мунтазам кучайтириш мунтазам барқарорликни кафолатлайди”, — деди Зеленский.

Аввалроқ Украина Мудофаа вазирлиги разведка бошқармаси Россия Украинага қарши урушни давом эттириш учун ҳали ҳам иқтисодий ва ҳарбий ресурсларга эга эканини маълум қилганди.

“Улар 2023 йил давомида уруш олиб бориши, бу узоғи 2024 йилда ҳам давом этиши мумкин. Агар гап одатий уруш ҳақида кетаётган бўлса. Қачон санкциялар кучайтирилса, ўшанда урушнинг кечиши қисқаради”, — деди бошқарма раҳбари.

Мавзуга доир
Изоҳ
Асосий янгиликлар
Спорт
“Манчестер Сити” ёки “Интер” ҳужумчиси тарихда қолади. Бир мавсумда ҳам ЕЧЛ, ҳам ЖЧ кубогини қўлга киритган тўққиз футболчи ҳақида
Дунё
Канада бош вазири Жастин Трюдо кутилмаган ташриф билан Киевга келди (фото)
Спорт
“ПСЖ” Лионель Мессига ўринбосар сифатида “Манчестер Сити” етакчисини олиб келмоқчи