Россия жанг майдонида устунликка эришиши мумкин — WP

Украинага қурол-яроғ етказиб бериш янада кечикса, Россия жанг майдонида устунликка эга бўлади. The Washington Post тегишли мақолани эълон қилди.

Мақолада Ғарб яқинда Украинага ваъда қилган қурол-яроғни етказиб беришни кечиктираётганига ишора қилинади.

“Агар таъминот йўллари ва транспорт марказлари бир неча ой олдин эълон қилинган ускуналарни етказиб беришда юқори юкланишга дуч келса, бу Россияга устунлик бериши мумкин”, — дейди мақола муаллифлари. 

Улар Ғарб давлатлари ваъда қилган ҳарбий ёрдамни узоқ вақтдан бери олмагани ва Украина армиясининг ҳаракатланиши ҳарбий техника етказиб беришдаги муаммо сабабли секинлашганини айтмоқда.

Нашр фикрича, Пентагоннинг Abrams танкларини етказиб беришни тезлаштириш режаси ҳамда Польша, Словакиянинг Украинани қирувчи самолётлар билан таъминлаш ҳақидаги қарори “Кремлнинг Хитой ва Эрон билан иттифоқчилик алоқаларини мустаҳкамлашдан хавотирни акс эттиради”.

Бунинг фонида Ғарбнинг ҳарбий ёрдам кўрсатиши узоққа чўзилаётгани қайд этилган. The Washington Post “Ғарбнинг кутилажак ёрдами секинлашаётганидан” хавотир билдирмоқда. 

“Abrams Украина қўшинларининг баҳорги қарши ҳужумидан тахминан олти ой ўтгач, етказиб берилади”, — дейилади хабарда.

Шу билан бирга, Украина Қуролли Кучлар учун Т-64 ва Т-72 каби эски танкларнинг Ғарб тизимларига нисбатан афзалликларидан бири экипаж ва механикларнинг улардан фойдаланишни билишида экани айтилган. Пентагон расмийлари украиналик ҳарбийлар Abrams’ни ишлатишда қийинчиликларга дуч келишини бир неча бор таъкидлаган.