Кўчага чиқишдан олдин кийиниш учун ҳар куни шкафингиз олдида қанча вақт сарфлайсиз? Ҳеч бўлмаганда тадбирга, об-ҳавога, кайфиятга мос келадиган нарсани топиш мақсадида. Баъзан шундай бўладики, қийинчилик билан кийим танлайсиз, сўнгра кийиб кўрган ва шкафдан тушиб кетган ҳамма нарсани қайтариб тахлаб қўйиш учун эрталаб етарли вақт қолмайди.
Шанба келганда, у ердаги ҳамма нарсани чиройли тарзда қўйишни ҳафсала билан бажарасиз. Лекин негадир, кейинги сафар тайёрланмоқчи бўлганингизда, шкаф яна “иккинчи қўл” витринасига ўхшаб қолаверади.
Бу ҳолат билан танишмисиз? Ҳа, ҳа, албатта. Бир куни ўзимнинг образимни яратиш ва шкафимни тозалашга сарфлайдиган даражада кўп вақтим йўқлигини тушуниб қолдим. Шундан бошлаб шкафнинг тартибли бўлиши йўлларини излай бошладим ва бир вақтнинг ўзида кийиладиган кийимлар тўпламни яратдим, буни уддаладим.
Шу тариқа қандай қилиб нарсаларни шкафда бир ҳаракат билан бутунлай тартибга солиб қўйиш ва ҳаётингизнинг охиригача вақтни тежаш керак?
Барча кийимларни бир жойга тўпланг. Бу сизда қанча кўп кийим борлигини кўрсатади яъни сизда керак бўлгандан кўпроқ кийимлар бор.
Шкаф илгичларида аллақачон хайрлашиш вақти келган, аммо қўлларингиз етиб бормайдиган кийимлар мавжудлигини пайқайсиз. Ҳамма нарсани бирга, бир жойда кўрганингизда, аниқ нима деган саволингиз бўлмайди, ишонинг.
Шундан сўнг, диққатингизни ўзингиз ёқтирган, жуда яхши кўриб, завқ билан киядиган нарсаларга қаратинг! Уларни кийимлар уюмидан бир-бир танлаб олинг!
Шкафингиздаги ҳар бир севимли кўйлагингиз учун жой топинг. Ва ҳар сафар кийгандан кейин уларни жойига қайтаринг!
.jpg)
Ёқтирмайдиган нарсаларингизни ташлаб юбориш, бу алоҳида мавзу. Айримлар шунчаки одамларга бериб юборадилар. Лекин ҳамма ҳам нарсалар билан осон ташлаб юбора олмайди, буни тушуниш мумкин. Ўзингизга вақт беринг. Уларни қайтиб шкафга тахламанг, алоҳида қутига солиб, омборхонага қўйинг. Бир ёки икки ой ичида бу нарсаларни қайта кўриб чиқинг. Шунда улардан қайси бири бериб юборишга арзийди шунга ишонч ҳосил қиласиз.
Шкафингизда фақат севимли нарсаларингиз бўлса, эрталаб кийиниш сиз учун осон бўлади, чунки буларнинг барчасида ўзингизни ажойиб ҳис қиласиз! Жуда оз нарса қолгандек туюлса, янгиланган гардеробингиз мукаммал тўпламларга айланиши учун етишмаётган нарсаларни сотиб олиш қулай бўлади.
Шкафингизда нарсаларингиз камроқ жой эгаллаши учун вертикал сақлашни синаб кўринг.
Мавзуга доир:
Изоҳ (0)