Jun, zamsh, chiyduxoba (velvet), kashmir — qishda ushbu matolardan tayyorlangan kiyimlar yuqori talabga ega. Biroq muammo shundaki: ular eskiradi va chiroyli ko‘rinishini yo‘qotishi ham mumkin. Buning oldini olish uchun kiyimlaringizni to‘g‘ri saqlayotganingizga e’tibor bering.
Taxlash yoki osib qo‘yish: kiyimlarni qanday holatda saqlash kerak?
Junli sviterlar cho‘zilib ketmasligi uchun ularni chiroyli tarzda taxlab qo‘ygan ma’qul. Biroq yengil trikotaj kiyimlarni ilgichga osib qo‘yish mumkin. Kiyimlarni yog‘och yoki yumshoq mato bilan qoplangan ilgichlarga ilib qo‘ysa ham bo‘ladi.
Kiyimning shakliga e’tibor bering
Kun bo‘yi sviter kiyganingizdan keyin uning shakli o‘zgarishi mumkin. Uni stul o‘rindig‘iga yoyib, 24 soatga qoldiring. Bu jun iplarni orqaga qaytarish va kiyimning shaklini tiklash imkonini beradi.
Narsalarning rangini saqlab qolishga harakat qiling
Shkafda turgan sviterlar va koftalar orasiga kislotasiz eritma bilan namlangan salfetkalarni qo‘ying (ularni aksessuarlar va ofis jihozlarini parvarish qilish uchun sotiladigan do‘konlarda sotib olishingiz mumkin). Shu orqali jun to‘kilishini oldini olish va narsalarning rangini uzoq vaqt davomida saqlab qolish mumkin.
Yorliqni o‘qing
Xizmat ko‘rsatmalarida “faqat quruq tozalash” degan yozuv bo‘lishi mumkin. Asos sifatida, bunday yorliqli narsalarni qo‘lda yoki kir yuvish mashinasida “nozik yuvish” rejimida yuvish mumkin.
Matoning xususiyatlarini ko‘rib chiqing
Flanel
Agar kiyimlar flanel matodan qilingan bo‘lsa, u yarim avtomat kir yuvish mashinasida yuvishga bardosh bera oladi. Flaneldan qilingan mahsulotlarni sochiqlar bilan birga yuvmang va quritmang, bunday holatda kiyimlarni ajratib olishga qiynalishingiz mumkin.
Kashmir
Ushbu matodan tikilgan kiyimlarni “nozik siklda” kir yuvish mashinasida yuvish mumkin. Biroq bundan oldin ularni ichkari qismni ustiga chiqarish kerak va pH-neytral kukunni ishlatgan ma’qul. Kiyimlarni yuvib bo‘lgandan keyin sochiq bilan o‘rang va sentrifugada yana besh daqiqa davomida shu shaklda saqlang. Keyin uni kir yuvish mashinasidan chiqarib oling, uni tekis yuzaga qo‘ying va asta-sekinlik bilan to‘g‘irlang. Kiyimlar quriganida, yengil tarash mumkin.
Velvet
Velvet matodan tikilgan kiyimlar ham paxtali flanelga o‘xshab kir yuvish mashinasida yuvilishi mumkin. Bunday matoli kiyimlarni yuvgandan keyin o‘ng tomonidan dazmollamaslik kerak.
Baxmal
Ba’zi sintetik matolarni kir yuvish mashinasida yuvish mumkin, biroq unda ipak bo‘lsa, quruq tozalagan ma’qul. Baxmaldan tikilgan matolarning sifati buzilmasligi uchun ularni dazmollamang.
Zamsh va charm
Agar tasodifan zamsh va charmni dog‘ qilib qo‘ysangiz, iloji boricha tezroq o‘sha joyni iliq suv bilan namlang, quriting va keyin dog‘ni cho'tkasi bilan sekin ketkazing. Agar bu yordam bermasa, boshqa hech narsa qilishga urinmang, aks holda siz ishni yomonroq holatga keltirishingiz mumkin. Tozalash ishini mutaxassislarga topshiring.
Junli kiyimlarni kashmirli mato bilan bo‘lgani kabi sovuq suvda asta-sekinlik bilan yuving va quriting. Kiyimlarni o‘zingiz yuving.
Kiyimlaringizni turli xil hasharotlardan saqlang
Vaqti-vaqti bilan qishki narsalarni bir necha kechaga muzlatgichga qo‘yish kerak. Bu ip, jun va boshqa zich matolarning holatini yaxshilaydi va kichik hasharotlar paydo bo‘lishini oldini olishga yordam beradi. Buyum muzlatgichdan olgandan so‘ng yaxshilab silkiting va sekin cho‘tkalab oling.
Shkafdagi kiyimlaringizni almashtirib turishga harakat qiling va tez-tez kiyadigan va umuman kiymaydigan narsalaringizni bir xil javonda saqlamang. Ko'plab hasharotlar bu mavsumda hech qachon kiymagan sviteringizda yoki kiyim tortmasining pastki qismiga joylashib oladi.
Yana bir samarali usul, bir parcha matodan sumka tikib, ichiga bir dasta quruq lavanda qo‘ying. Uning xushbo‘yligi nafaqat kiyimlarga zarar beradigan hasharotlarni qaytaradi, balki kiyimlarga yangi hid beradi.
Mavzuga doir:
Izoh (0)