Ko‘chaga chiqishdan oldin kiyinish uchun har kuni shkafingiz oldida qancha vaqt sarflaysiz? Hech bo‘lmaganda tadbirga, ob-havoga, kayfiyatga mos keladigan narsani topish maqsadida. Ba’zan shunday bo‘ladiki, qiyinchilik bilan kiyim tanlaysiz, so‘ngra kiyib ko‘rgan va shkafdan tushib ketgan hamma narsani qaytarib taxlab qo‘yish uchun ertalab yetarli vaqt qolmaydi.
Shanba kelganda, u yerdagi hamma narsani chiroyli tarzda qo‘yishni hafsala bilan bajarasiz. Lekin negadir, keyingi safar tayyorlanmoqchi bo‘lganingizda, shkaf yana “ikkinchi qo‘l” vitrinasiga o‘xshab qolaveradi.
Bu holat bilan tanishmisiz? Ha, ha, albatta. Bir kuni o‘zimning obrazimni yaratish va shkafimni tozalashga sarflaydigan darajada ko‘p vaqtim yo‘qligini tushunib qoldim. Shundan boshlab shkafning tartibli bo‘lishi yo‘llarini izlay boshladim va bir vaqtning o‘zida kiyiladigan kiyimlar to‘plamni yaratdim, buni uddaladim.
Shu tariqa qanday qilib narsalarni shkafda bir harakat bilan butunlay tartibga solib qo‘yish va hayotingizning oxirigacha vaqtni tejash kerak?
Barcha kiyimlarni bir joyga to‘plang. Bu sizda qancha ko‘p kiyim borligini ko‘rsatadi ya’ni sizda kerak bo‘lgandan ko‘proq kiyimlar bor.
Shkaf ilgichlarida allaqachon xayrlashish vaqti kelgan, ammo qo‘llaringiz yetib bormaydigan kiyimlar mavjudligini payqaysiz. Hamma narsani birga, bir joyda ko‘rganingizda, aniq nima degan savolingiz bo‘lmaydi, ishoning.
Shundan so‘ng, diqqatingizni o‘zingiz yoqtirgan, juda yaxshi ko‘rib, zavq bilan kiyadigan narsalarga qarating! Ularni kiyimlar uyumidan bir-bir tanlab oling!
Shkafingizdagi har bir sevimli ko‘ylagingiz uchun joy toping. Va har safar kiygandan keyin ularni joyiga qaytaring!
.jpg)
Yoqtirmaydigan narsalaringizni tashlab yuborish, bu alohida mavzu. Ayrimlar shunchaki odamlarga berib yuboradilar. Lekin hamma ham narsalar bilan oson tashlab yubora olmaydi, buni tushunish mumkin. O‘zingizga vaqt bering. Ularni qaytib shkafga taxlamang, alohida qutiga solib, omborxonaga qo‘ying. Bir yoki ikki oy ichida bu narsalarni qayta ko‘rib chiqing. Shunda ulardan qaysi biri berib yuborishga arziydi shunga ishonch hosil qilasiz.
Shkafingizda faqat sevimli narsalaringiz bo‘lsa, ertalab kiyinish siz uchun oson bo‘ladi, chunki bularning barchasida o‘zingizni ajoyib his qilasiz! Juda oz narsa qolgandek tuyulsa, yangilangan garderobingiz mukammal to‘plamlarga aylanishi uchun yetishmayotgan narsalarni sotib olish qulay bo‘ladi.
Shkafingizda narsalaringiz kamroq joy egallashi uchun vertikal saqlashni sinab ko‘ring.
Mavzuga doir:
Izoh (0)