Кийимларни ювгач, унда доғлар қолган бўлса, бу катта эҳтимол билан сизнинг нотўғри ҳаракатингиз натижаси дейиш мумкин. Доғ қолган кийимни дазмолламанг. Бу билан ҳолатни янада ёмонлаштирасиз.
Нима учун доғни қандай кетказишни билиш зарур?
Кийимингизни кимёвий тозалашга олиб борганингизда, эҳтимол, сизга савол беришар: “Ўзингиз доғни кетказишга ҳаракат қилдингизми?” Кўпинча жавоб ҳа бўлади. Мутахассис нима қўллаганингизни аниқ билиши керак, чунки сизнинг нотўғри ҳаракатларингиз тескари натижага олиб келиши мумкин. Мутахассислар доғларни озиқ-овқат, косметика, доривор, маиший ва бошқаларга ажратадилар.
Ҳар бир доғ матода ўзига хос тарзда из қолдиради ва ҳар хил турдаги эритувчиларни (нейтрализаторларни) талаб қилади. Доғни қандай таниб олиш ва уни нима қилиш кераклигини улар мутахассислар билишади. Буни билишимиз шарт эмас, лекин кийимни ўзингиз ювмоқчимисиз ёки уни кимёвий тозалашга олиб борасизми, нима қилмаслик кераклигини ёдда сақлаш муҳим.
Узоқ кутиш
Бу кўпчилигимиз қиладиган энг катта хато. Дарҳақиқат, агар тезда ҳаракат қилсангиз, деярли ҳар қандай доғдан халос бўлиш мумкин. Аммо бу ҳар доим ҳам иложсиз...
Тўғри: кийимни ўша куни ёки эртасига ювинг. Агар юва олмасангиз ёки ювиш натижа бермаслигидан қўрқсангиз, кийимни имкон қадар тезроқ кимёвий тозалашга олиб боринг.
Нотўғри: бошқа кир кийимларга қўшиб қўйиш ва ювиш учун кирлар тўплангунча бир ҳафта кутиш (кир ювиш машинасини битта блузка туфайли ишлатманг). Ёки кийимни пакетга жойлаб кимёвий тозалашга олиб бориш учун бўш вақт бўлишини кутиш.
Доғни ишқалаш
Мато борган сари юпқалашиб бораётганини оддий кўз билан илғаш қийин эмас. Ишқалаган сари доғ қолади ва атрофидаги мато эскирган ва хира тортган кўринишга келади.
Тўғри: қоғоз сочиқ ёки тоза, қуруқ латта олинг ва доғни енгил босим билан артиб олинг.
Нотўғри: матони муштингизда ушлаб, қаттиқ ишқалаш, уни чўтка ёки шимгичнинг қаттиқ томони билан тозалашга ҳаракат қилиш.
Қанчалик кўп вақт ўца, доғни кетказиш шунчалик қийин бўлади.
Тозалашни марказдан бошлаш
Тозалашни марказдан бошлаганда доғ ҳар томонга тарқалади, натижада ифлосланган юзанинг майдони ошади.
Тўғри: доғни четдан марказга қараб тозалашни бошланг.
Нотўғри: доғни ҳар томонга ёйиб юбориш. Доғ йўқолади, лекин унинг ҳажми катталашади.
Доғларни иссиқ сув билан ювиш
Ҳеч қачон доғ устига иссиқ сув қуйманг. Юқори ҳароратдан баъзи турдаги доғлар тўқималарга зичроқ жойлашади.
Тўғри: доғни фақат илиқ сувда ювиш керак. Бу кимёвий тозалашга олиб бориладиган нарсаларга ҳам тегишли.
Нотўғри: сувнинг ҳарорати қанчалик баланд бўлса, доғни кетказиш эҳтимоли шунчалик юқори бўлади деб ўйлаш.
Оқартиргичдан фойдаланиш
Оқартириш воситаси нозик матоларга зарар етказиши мумкин бўлган қаттиқ кимёвий моддадир. Агар кийим сизга қадрли бўлса, уни хавф остига қўймаган маъқул.
Тўғри: доғ тушган қиммат кийимни кимёвий тозалашга олиб борган яхши. Буни қанчалик тез қилсангиз, шунча ижобий натижа оласиз.
Нотўғри: оқартиргич ҳар қандай доғни кетказади деб ўйлаш. Катта эҳтимол билан ўзингизни бунинг тескарисига бир неча бор гувоҳ бўласиз.
Қимматбаҳо кийимларга лайфхакларни қўллашдан аввал текширинг
Интернетда доғни соч турмагини қотирадиган спрей ёки тирноқдаги лакни кетказиш воситаси билан йўқотиши ҳақида жуда кўп шубҳали лайфхаклар бор. Бундай тажрибалар энг аввал эски футболкалар, халатлар ёки спорт кийимларида амалга оширилади, чунки натижани ҳар доим олдиндан айтиб бўлмайди.
Тўғри: юқорида ўқиган ҳамма кўрсатмаларга амал қилинг, доғни четидан марказга қоғоз сочиқ билан артиб олинг, иложи бўлса, доғни илиқ сувда ювинг ва ҳоказо.
Нотўғри: доғни асетон (тирноқларни тозалаш воситаси), аммиак, бензин ва бошқалар билан ишқалаш.
Мавзуга доир:
Изоҳ (0)