Тозалашни осонлаштиринг, идишларни ярақлатинг ва тахтакачни нохуш ҳиддан халос қилинг. Қуйида оддий тузнинг биз билмаган яна кўплаб фойдалари хусусида лайфхаклар келтирилган.
Тилимланган олмаларни қизариб кетишдан сақланг
Кесилган олма тез қораяди, чунки оксидланиш жараёни очиқ ҳавода содир бўлади. Туз эса уни секинлаштиради.
Бир литр совуқ сувга бир чой қошиқ тузни аралаштиринг ва бу эритмани бўлаклар устидан қуйинг. Улар бир неча дақиқа, аммо 10 дақиқадан ошмаган ҳолда туриши керак. Кейин шўр сувни тўкиб ташланг ва олмани музлаткичга қўйинг. Истеъмол қилишдан олдин, шўр таъм қолмаслиги учун уларни оддий сув билан ювиб ташланг. Бу маслаҳат картошка учун ҳам ишлайди.
Салқин ичимликлар
Бир шиша салқин ичимликни тезда совитиш учун уни муз ва туз билан баланд идишга солинг. Идишнинг пастки қисмига муз қатламини, юқорисига бир неча ош қошиқ туз қўйинг. Шишанинг тепасига етгунча муз ва тузни алмаштиринг. Музни қоплаш учун идишга сув қуйинг. Ичимлик 10-12 дақиқада совийди, чунки туз жараённи тезлаштиради.
Тахтакачни тозаланг
Ёғоч тахтакачни ҳидлардан халос қилиш учун унга туз сепинг ва сиртини нам мато билан секин артиб олинг. Кейин илиқ совунли сув билан ювиб ташланг.
Қўлингиздан саримсоқ ва пиёз ҳидини кетказинг
Саримсоқ ёки пиёзни тўғраб бўлгач, қўлларингизга туз ва лимон суви аралашмасини суртинг, сўнгра совун ва сув билан ювинг. Нохуш ҳиднинг изи ҳам қолмайди. Аммо эсда тутинг: агар терида тирналган жой бўлса, у бироз ачитиши мумкин.
Синган тухумни осонгина тозаланг
Полда синиб тўкилган тухум устига туз сепинг ва тахминан 20 дақиқага қолдиринг. Шундан сўнг, уни ҳар қандай сиртдан тозалаб олиш осон бўлади.
Дренажда қолдиқлар тиқилиб қолишининг олдини олиш
Дренажга ярим стакан туз солинг ва устидан бир литр иссиқ сув қуйинг. Таъсир кучли бўлиши учун ярим стакан сода қўшиб юборинг. 15 дақиқага қолдиринг, кейин водопровод суви билан ювинг. Буни ҳафтада бир ёки икки марта бажаринг.
Шиша идишларингизни қайта ярақлатинг
Паста ҳосил қилиш учун стаканнинг учдан бир қисмига туз ва икки ош қошиқ циркани солиб, аралаштиринг. Агар ваза ёки катта идишни тозаламоқчи бўлсангиз, ингредиентларни икки ҳисса оширинг. Аралашмани идишларга суртиб, 20 дақиқага қолдиринг. Кейин сиртни шимгич билан ишқаланг, сув билан ювиб юборинг.
Чой ёки қаҳва ичиладиган пиёла ва стаканлардаги чиркдан халос бўлинг
Идишни намланг ва қорайган жойларни оз миқдорда туз билан ишқаланг. Ичимлик излари осонгина ювилади.
Мавзуга доир:
Изоҳ (0)