Самарқанд вилояти Паст Дарғом туманида қалбаки акциз маркали 3 мингдан зиёд алкоголь маҳсулотлари савдоси тўхтатилди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги департаментнинг Паст Дарғом туман бўлими томонидан ДСИ ходимлари билан ҳамкорликда ўтказилган терговга қадар текширувда аниқланган. “С.Б.” ва “И.Ж.” МЧЖга қарашли савдо шохобчаларида тегишли ҳужжатлари бўлмаган жами 3182 дона қалбаки акциз маркали алкоголь маҳсулотлари сотувга қўйилгани аниқланиб, ашёвий далил сифатида олинган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)