Жиззах шаҳрини Зафаробод тумани билан боғловчи йўлда машиналар ботиб қолмоқда. Вилоят Ички ишлар бошқармаси ҳолат юзасидан муносабат билдирди.
Хабарга кўра, ушбу йўл узоқ вақтдан буён таъмирталаб ҳолатда. Мазкур йўлда машинаси ботиб қолган аёл ички ишлар бошқармаси бошлиғига мурожаат қилган. Шундан сўнг 3-сектор раҳбари вазиятни бартараф этиш юзасидан масъулларга топшириқ берган.
Қайд этилишича, 4Р-37 Жиззах—Чимқўрғон йўлининг 10–11-километрида сектор раҳбари топшириғи асосида таъмирлаш ишлари бошланган. Шароф Рашидов тумани йўллардан фойдаланиш УК бош муҳандиси мазкур йўлнинг 10–11-километридаги муаммо 2-3 кун ичида тўлиқ бартараф этилишини маълум қилди.
Изоҳ (0)