Қозоғистон апрель ойида Германияга “Дружба” қувури орқали яна 20 минг тонна нефть жўнатмоқчи. Бу ҳақда мамлакат энергетика вазири Болат Оқчулаковга таяниб “Коммерсант” хабар бермоқда.
“Нефтьнинг биринчи партияси аллақачон жўнаб кетди, иккинчи нефть партиясини март ойида жўнатилиши режалаштирилган. Ойига ўртача 20 минг тонна нефть юборишни режалаштирмоқдамиз. Апрель ойида ҳам режа бўйича 20 минг тонна”, — дейди Акчулаков.
Умуман олганда, вазирнинг сўзларига кўра, 2023 йил якунларига кўра экспорт қилинадиган нефть ҳажми 300 минг тоннани ташкил этади.
29 январь куни “Transneft” Қозоғистондан “Дружба” орқали Германияга нефть юбориш бўйича ариза олганди.
Мазкур шартнома 2023 йил учун нефть қувурининг 1,2 миллион тонна қўшимча қувватларини захиралашни ўз ичига олади.
Дастлаб, жорий йилнинг январь ойида “Дружба” орқали Германияга 20 минг тонна нефть етказиб бериш режалаштирилган эди, бироқ кейинчалик ташишни бошлаш санаси февралга кўчирилди.
Февраль ойи охирида “Transneft” (Дружба қувури операторларидан бири) президентининг маслаҳатчиси Игор Демин компания Қозоғистондан Россия орқали транзит нефть етказиб бериш бошланганини айтганди.
Якуний етказиб бериш пункти Германиядаги Leuna ва Shwеdt нефтни қайта ишлаш заводлари бўлиб, улар 2022 йил охиригача Россия хом ашёси билан таъминланган.
Изоҳ (0)