Qozog‘iston aprel oyida Germaniyaga “Drujba” quvuri orqali yana 20 ming tonna neft jo‘natmoqchi. Bu haqda mamlakat energetika vaziri Bolat Oqchulakovga tayanib “Kommersant” xabar bermoqda.
“Neftning birinchi partiyasi allaqachon jo‘nab ketdi, ikkinchi neft partiyasini mart oyida jo‘natilishi rejalashtirilgan. Oyiga o‘rtacha 20 ming tonna neft yuborishni rejalashtirmoqdamiz. Aprel oyida ham reja bo‘yicha 20 ming tonna”, — deydi Akchulakov.
Umuman olganda, vazirning so‘zlariga ko‘ra, 2023-yil yakunlariga ko‘ra eksport qilinadigan neft hajmi 300 ming tonnani tashkil etadi.
29-yanvar kuni “Transneft” Qozog‘istondan “Drujba” orqali Germaniyaga neft yuborish bo‘yicha ariza olgandi.
Mazkur shartnoma 2023-yil uchun neft quvurining 1,2 million tonna qo‘shimcha quvvatlarini zaxiralashni o‘z ichiga oladi.
Dastlab, joriy yilning yanvar oyida “Drujba” orqali Germaniyaga 20 ming tonna neft yetkazib berish rejalashtirilgan edi, biroq keyinchalik tashishni boshlash sanasi fevralga ko‘chirildi.
Fevral oyi oxirida “Transneft” (Drujba quvuri operatorlaridan biri) prezidentining maslahatchisi Igor Demin kompaniya Qozog‘istondan Rossiya orqali tranzit neft yetkazib berish boshlanganini aytgandi.
Yakuniy yetkazib berish punkti Germaniyadagi Leuna va Shwedt neftni qayta ishlash zavodlari bo‘lib, ular 2022-yil oxirigacha Rossiya xomashyosi bilan ta’minlangan.
Izoh (0)