Jizzax shahrini Zafarobod tumani bilan bog‘lovchi yo‘lda mashinalar botib qolmoqda. Viloyat Ichki ishlar boshqarmasi holat yuzasidan munosabat bildirdi.
Xabarga ko‘ra, ushbu yo‘l uzoq vaqtdan buyon taʼmirtalab holatda. Mazkur yo‘lda mashinasi botib qolgan ayol ichki ishlar boshqarmasi boshlig‘iga murojaat qilgan. Shundan so‘ng 3-sektor rahbari vaziyatni bartaraf etish yuzasidan masʼullarga topshiriq bergan.
Qayd etilishicha, 4R-37 Jizzax—Chimqo‘rg‘on yo‘lining 10–11-kilometrida sektor rahbari topshirig‘i asosida taʼmirlash ishlari boshlangan. Sharof Rashidov tumani yo‘llardan foydalanish UK bosh muhandisi mazkur yo‘lning 10–11-kilometridagi muammo 2-3 kun ichida to‘liq bartaraf etilishini maʼlum qildi.
Izoh (0)