Telegram’да қувват тежаш режими пайдо бўлди

Telegram жамоаси иловани янгилади. Ушбу янгиланишда қувват тежаш режими, кучсизроқ Android қурилмалари учун Telegram’ни оптималлаш, янада кўпроқ ижро тезлиги вариантлари ва бошқалар тақдим этилди.

Қувват тежаш режими

Telegram’даги чиройли анимациялар ва енгил ҳажмли эффектлар исталган телефонни кучли қилиш учун оптималланган, лекин энди уларнинг қувват муддатини узайтириш ва унумдорликни ошириш учун фаолсизлантириш мумкин.

Энди қувват тежаш режимини батарея маълум фоизга етганида муайян эффектларни фаолсизлантириш имконини берадиган алоҳида созламалар билан автоматик ёқиладиган қилиб созлаш мумкин.

iOS фойдаланувчилари ҳам фондаги янгиланишларни чеклаш учун қувватни тежаш созламаларидан фойдаланиши мумкин. Бироқ бундан кейин экранда “Янгиланмоқда…” ёзуви анча кўпроқ чиқади.

“Android учун биз Telegram қанчалик яхши ишлашишини кўриш мақсадида 200 дан ортиқ қурилмани қўлда синадик ва барча фойдаланувчилар энг яхши таассурот олишини таъминлаш учун бирламчи созламаларни оптималладик”, — дейилади Telegram хабарида

Созламалар > Қувват тежаш рукнида Қувват тежаш режимини ёки автоматик ижро, анимациялар ва эффектлар учун алоҳида созламаларни ёқиш ёки фаолсизлантириш мумкин.

Ижро тезлиги созламалари

Telegram фойдаланувчилари бир неча йилдан буён видеолар, подкастлар, овозли ва видео хабарлар учун ижро тезлигини ўзгартириши мумкин. Энди иловада 0,2х дан 2,5х гача исталган ижро тезлигини белгилаш мумкин.

Кичик гуруҳларда хабарни ўқиш вақти

Энди кичик жамоаларда ҳамкорликни қулайлаштириш учун 100 тадан кам аъзога эга гуруҳларда хабарни ҳар бир киши томонидан қачон ўқилганини кўриш мумкин бўлади.

Бот тавсифлари учун таржима

Бот фойдаланувчилари энди бот тавсифларини ва “Бу бот нималар қила олади?” бўлимларини бир нечта тилга таржима қилиш орқали ботларини тўлиқ таржима қилиши мумкин.

iOS учун иловада яхшиланган жилдлар

iOS фойдаланувчилари битта босиш билан жилддаги барча хабарларни ўқилган деб белгилаши мумкин. Хабарларни узатаётганда жилдлардан тўғри чатни тезда топиш учун фойдаланиш мумкин. Бу яхшиланишлар кейинги янгиланишларда Android иловаси учун ҳам тақдим этилади.

Telegram дастурчилари янги функцияларни жорий қилишни икки ҳафтага кечиктирди ва турли платформалар учун Telegram иловаларидаги 400 дан ортиқ маълум хатоликларни бартараф қилишга эътибор қаратди.

Telegram жамоасига исталган киши bugs.telegram.org манзили орқали муаммоларни хабар бериши ва suggestions.telegram.org манзили орқали таклифлар билдириши мумкин. Фақат мурожаатлар инглиз тилида бўлиши керак. 

Шунингдек, Telegram Premium фойдаланувчилари учун махсус эможиларнинг ўнта янги тўплами ҳам тайёрланган.