Аёллар байрами — 8 мартга қандай тайёргарлик кўриш керак? Шахсий бюджет учун 8 та маслаҳат

8 март байрами яқин. Агар ёдингиздан кўтарилган бўлса, сизда ҳали ҳам бироз вақт ва яхши совға танлаш имконияти мавжуд. “Дарё” сизга байрамда тайёргарлик кўришда ёрдам берадиган ва энг асосийси бюджетингизни сақлаб қолувчи 8 та маслаҳатни тақдим қилади. 

Бюджетингизни режалаштиринг

Режалаштириш ҳар қандай тежамкорликнинг асосидир, чунки бу бюджетга салбий таъсир кўрсатадиган импулсив харидлардан сақлаб қолади. 

Рўйхат тузинг

Келажакдаги барча харажатларни 3-4 та асосий гуруҳга бўлиш ва ҳар бир гуруҳ ичида нима сотиб олиш кераклиги тўғрисида рўйхат тузиш керак.

Олдиндан харидларни амалга оширинг

Албатта, барчада яқинлари учун совғалар учун ғоялар мавжуд. Мавсумий чегирмалардан фойдаланиш ва керак бўлган ҳамма нарсани иложи борича арзон нархда сотиб олиш керак. Байрам акциялари бўйича ҳам ажойиб таклифлар бўлади, аммо танлов олдиндан сотиб олиш каби яхши бўлмаслиги мумкин.

Нархларни солиштиринг

Кичик чакана савдо нуқталарида товарларнинг нархи катта савдо марказларидан фарқ қилиши мумкин. Баъзан нархлар бир-икки баробаргача бўлади. Байрам шов-шувларига берилмасдан, керакли нарсаларни дарҳол сотиб олманг — аввал барча таклифларни солиштирган маъқул.

Қарз олишдан сақланинг

Яқинларга совға танлашда ҳар доим энг яхши ва энг юқори сифатлисини сотиб олишни хоҳлаймиз, шунинг учун дўстлардан қарз олиш, чакана савдо дўконлари томонидан тақдим этилган бўлиб тўловда фойдаланиш ёки кредит олишга мажбурият пайдо бўлади. 

Ёдда тутиш керак бўлган асосий нарса шундаки, ҳар қандай қарз маблағлари ўз вақтида тўланиши керак бўлган мажбуриятдир.

Кичик нарсалар ҳар доим ҳам муҳим эмас

Дўкон жавонлари эсдалик совғалари, байрам рамзи бўлган майда нарсалар билан тўла бўлади, лекин уларни сотиб олишга шошилмаслик керак. Байрам белгиларига эга бўлган товарларга қизиқиш доимо ортиб боради. Натижада, уларнинг нархи қиммат бўлмаса ҳам, аммо бу бюджетга таъсир қилади.

Муқобил таклифлардан фойдаланинг

Яқинларингизни табриклашнинг муқобил усулларини кўриб чиқиш ҳам совға бўлиши мумкин. Шундай қилиб совға сотиб олиш ўрнига ўзи учун “имконият” ҳадя қилса бўлади. 

Мисол учун ёш онага ёки бувисига кунни боласи билан ўтказишни таклиф қилиш, шунда улар ўз навбатида ўзлари учун вақт ажратишлари ва шунчаки дам олишлари мумкин. 

Шунингдек, оилага онлайн омонат очиш ва уни ҳар бир байрам учун маълум миқдор билан тўлдиришда ёрдам бериш мумкин.

Совға сертификатларини кўриб чиқинг

Баъзи чакана савдо дўконлари совға сифатида маълум миқдордаги совға учун мўлжалланган карта ёки сертификат беришни таклиф қилишади — бу таклиф жуда фойдали, чунки бу маҳсулот тури, ранги ва ўлчами билан боғлиқ тушунмовчиликларнинг олдини олишга ёрдам беради.

Ушбу маслаҳатлар сизга бюджетни қандай юритиш ва харажатларни ҳисобга олишни ўрганишга ёрдам беради, оқибатда барча байрамлар сиз учун режали ва фойдали бўлиши мумкин.