Туркманистон дунёдаги энг арзон бензин рейтингининг кучли ўнталигига кирди. Ўзбекистон 34-ўринда

Ўзбекистон дунёдаги энг арзон бензинга эга давлатлар рўйхатида 34-ўринни эгаллади (бир литр 0,982 доллар туради). Бу ҳақда “Дарё” мухбири хабар бермоқда. 

GlobalPetrolPrices маълумотларига кўра, февраль ойида қўшни Туркманистон энг арзон бензинга эга мамлакатлар бўйича 8-ўринда (0,428 доллар) қайд этилган. 

Дунёдаги энг арзон бензин Венесуэлада (0,016 доллар), энг қиммати эса Гонконгда (2,942 доллар). Дунё бўйлаб бензиннинг ўртача нархи литри учун 1,30 долларни ташкил қилади.

Одатда бой мамлакатларда нархлар юқори бўлса, қашшоқ мамлакатлар ва нефть ишлаб чиқарадиган ҳамда экспорт қилувчи мамлакатларда нархлар сезиларли даражада паст бўлади.

Эътиборга молик истиснолардан бири — иқтисодий жиҳатдан ривожланган, аммо газ нархи паст бўлган Қўшма Штатлар.

Мамлакатлар ўртасидаги нархлардаги тафовутлар бензинга турли солиқлар ва субсидиялар билан боғлиқ. Барча мамлакатлар халқаро бозорларда бир хил нефть нархидан фойдаланиш имкониятига эга, аммо кейин турли солиқларни жорий этишга қарор қилади.