Meta компанияси Facebook ва Instagram ижтимоий тармоқлари фойдаланувчилари учун пуллик обунани жорий қилади. Бу ҳақда Financial Times хабар бермоқда.
Ижтимоий тармоқларнинг фақат браузер версиясига кириш имкониятига эга обуна нархи ойига 11,99 долларни, мобил иловалар фойдаланувчилари учун ойига 14,99 долларни ташкил қилади.
Машҳур одамларга мўлжалланган, уларнинг номи остида сохта аккаунтларни яратишдан юқори ҳимояни таклиф қилувчи пуллик обуна функцияси шу ҳафта Австралия ва Янги Зеландияда пайдо бўлади, сўнгра аста-секин бошқа мамлакатларда ҳам жорий қилинади.
Монетизация янги усулининг пайдо бўлиши Meta даромадини ошириш учун мўлжалланган бўлиб, компания фойдаси рекламадан тушадиган даромаднинг камайиши туфайли қисқариб бормоқда.
Реклама даромади камайиб боришига Apple 2021 йилда фойдаланувчиларга учинчи шахсларга уларнинг фаолиятини кузатишни блоклашга рухсат бергани сабаб бўлди.
Кўплаб йирик IT платформалар мақсадли реклама хизматларини сотиш учун ушбу маълумотларга таянар эди.
Ўтган йили Meta раҳбарияти Apple ҳаракатларидан кўрилган зарарни 10 миллиард доллардан кўпроқ ёки йил давомидаги барча реклама даромадларининг 8 фоизини ташкил қилганини маълум қилганди.
Изоҳ (0)