Тошкентда иқтисодчи Жеймс Робинсон билан учрашув бўлиб ўтади

17 март куни Тошкентда британиялик иқтисодчи, Чикаго университети профессори Жеймс Робинсон билан учрашув бўлиб ўтади. 

Жеймс Алан Робинсон (1960 йилда туғилган) — британиялик иқтисодчи ва сиёсатшунос. Чикаго университети профессори.  2004—2015 йилларда Гарвард университетида дарс берган. 

Робинсон баъзиларни фаровонликка, бошқаларни эса низоларга олиб келадиган асосий иқтисодий ва сиёсий институтларга эътибор қаратиб, мамлакатлар орасидаги фарқларни ўрганади. 

У Дарон Ачемўғлу билан “Тор коридор”, “Мамлакатлар таназзули сабаблари”, “Диктатура ва демократиянинг иқтисодий келиб чиқиши” каби китобларнинг ҳаммуаллифи ҳисобланади. 

Тадбирда Жеймс Робинсон ҳаммуаллифлигидаги “Мамлакатлар таназзули сабаблари” — Why Nations Fall китобининг тақдимоти ҳам бўлиб ўтади. 

Учрашувда ўзбекистонлик иқтисодчилар — Висконсин университети докторанти, “Иқтисодчи кундалиги” блоги муаллифи Беҳзод Ҳошимов ва Гарвард университети докторанти, Узбекономиcс блоги муаллифи Ботир Қобиловлар ҳам иштирок этади.

Тадбир давомидаги чиқишлар ўзбек ва рус тилларига синхрон равишда таржима қилиб борилади. Учрашув 17 март соат 17:30 да Intercontinental Hotel Tashkent меҳмонхонасида (Триллиант) бўлиб ўтади. 

Мазкур тадбирда иштирок этиш учун чипталарни “iticket.uz” сайтидан харид қилиш мумкин. Нархлар — 200 000 сўмдан 1 200 000 сўмгача. 

Ташкилотчилар билан боғланиш учун телефон: (+998) 90−955−8687, (+998) 99−089−3829.

Ҳамкорлик материали.