Ўзбекистонда биринчи IT ҳамжамияти ташкил этилади. Бу ҳақда IT Park матбуот хизмати хабар берди.
4 март куни соат 15:00 да Тошкент давлат иқтисодиёт университетида Ўзбекистон IT ҳамжамиятининг очилиш маросими бўлиб ўтади.
IT Ҳамжамияти IT мутахассисларини ва соҳага қизиққан ҳар бир кишини бир жойда бирлаштириш мақсадида ташкил этилган.
Ҳамжамият аъзолари IT соҳасидаги қизиқарли маълумотларни топиши, билим ва тажриба алмашиши, карера қуриши, лойиҳа учун жамоа топиши, ғояларни муҳокама қилиши, ёрдам олиш ва ҳатто ментор топиши мумкин.
Расмий очилиш маросимида 6 нафар спикер сўзга чиқади:
- Алёна Владимирская — Mail.Ru Group’нинг кадрлар билан ишловчи собиқ раҳбари ва “Йилнинг HR бренди” мукофоти совриндори. Уни Runet’нинг бош “хедхантери” деб аташади;
- Акмалжон Мусаев — HyperАpp бош директори, лойиҳа менежери ва стартаплар асосчиси, Тошкент, Ўзбекистон ва АҚШдаги Gamefall лойиҳаси ҳаммуассиси ва раҳбари;
- Бобур Ражабов — техник тадбиркор, ўқитувчи, EverbestLab бош директори;
- Леонид Черний — Uzum компаниясининг ижрочи директори, “МегаФон”, Rambler, Yandex, Mail.ru Group каби компаниялар маҳсулотларини яратиш ва ривожлантиришда иштирок этган таниқли топ-менежер;
- Мунира Бекмурадова — Тоptal’да катта дастурчи муҳандиси ва ҳамжамият раҳбари;
- Шавкат Каримов – Ўзбекистон IT Ҳамжамияти раҳбари, ментор, инвестор.
Маълумотларга кўра, спикерлар учрашув иштирокчиларига IT чўққиларига ўз йўлини қуриш имконини берган муваффақият сирлари ҳақида гапириб беради. Сессиялар инглиз тилида ўтказилади. Иштирок этиш бепул.
Изоҳ (0)