Ўзбекистонда чет элликлар учун кийиниш нархи Нью-Йоркдагидан қимматроқ экани маълум қилинди 

Чет эллик муҳожирлар учун Ўзбекистонда яшаш нархи маълум қилинди. Бу ҳақда АҚШда жойлашган “Хпатулатор.cом” сайти хабар бермоқда.

Тошкент шаҳрида 2023 йил январь ҳолатига кўра, барча 13 сават гуруҳлари учун умумий яшаш қиймати индекси (CОЛИ) 48,01 ни ташкил қилади (Нью-Йорк = 100). Бу кўрсаткич, Туркманистонда 88,9, Тожикистонда 43,8, Қирғизистонда 41,24 ва Қозоғистонда 40,8 бўлган. 

Индекс қанча пастроқ бўлса, чет элликлар учун яшаш шунча арзон бўлади. 

Ҳисоблашда дунёнинг 780 нуқтасида 13 хил саватнинг нархини солиштириш учун бутун дунё бўйлаб бир хил товарлар нархи минтақадаги ёки унга яқин бўлган харажат ставкаларидан келиб чиққан ҳолда йиғилди ва АҚШ долларига айлантирилди.

Тошкентда кундалик кийинишнинг нархи нисбатан юқори бўлди — Нью-Йоркдаги 960 долларлик сават Ўзбекистонда 1 000 долларга тенг. Бироқ, таълим нархи пастроқ. Нью-Йоркда ўқишнинг ўртача нархи Ўзбекистондаги 16 500 долларга нисбатан 30 000 долларни ташкил қилади. 

Ўзбекистонда озиқ-овқат нархлари ҳам нисбатан паст. Нью-Йоркда 1 000 долларлик истеъмол савати Тошкентда 400 долларга баҳоланмоқда. 

Шунингдек тиббий харажатлар учун Нью-Йоркда тахминан 1 000 доллар, Ўзбекистонда эса 300 доллар сарф қилинади. 

Ўзбекистонда хусусий клиникаларда шифокорга боришнинг ўртача нархи 24 долларни ташкил қилади. Кундузги парвариш, жумладан, парваришлаш, дори-дармонлар, диагностика тестлари, овқатланиш ва тегишли харажатлар 738 долларни ташкил қилади.

Овқатланиш ва ресторанларнинг нархи пастлигича қолмоқда. Нью-Йоркдаги 1 000 долларлик сават Ўзбекистонда 370 долларга баҳоланган. Тошкентда озиқ-овқат Техаснинг Хюстон шаҳрига қараганда 39,2 фоизга арзон. 

Умуман, Ўзбекистон бўйлаб озиқ-овқат маҳсулотлари АҚШга нисбатан 48,1 фоизга арзон. 

Шунингдек уй хўжалиги харажатлари Буюк Британиядагидан 53,2 фоиз пастроқ ва транспорт харажатлари Ҳиндистонга қараганда 7,7 фоиз қимматроқ.