2022 йилда IT Park резидентлари экспорти ҳажми 140 миллион долларга етди. Бу ҳақда IT Park матбуот хизмати хабар бермоқда.
2022 йилнинг 4-чораги якунларига кўра, экспортдан 65,1 миллион доллари BPО компаниялари хизматлари экспортига тўғри келди. Шу билан бирга, экспортнинг 81 фоизи АҚШга, қолгани — Буюк Британия, Германия, Россия, МДҲ ва БААга тўғри келади.
IT Park резидентлари томонидан кўрсатилаётган хизматларнинг умумий ҳажмида ҳам ўсиш кузатилмоқда. У 5,1 триллион сўмни ташкил этиб, бу ўтган йилнинг шу даврига нисбатан 2 баробар кўп.
Йўналишлар бўйича ҳажм қуйидагича тақсимланди:
- ДT ишлаб чиқиш — 2,78 трлн сўм;
- маълумотларни қайта ишлаш — 1,5 триллион сўм;
- BPО — 729,1 млрд сўм;
- IT-таълим — 83,3 млрд сўм;
- IT-консалтинг — 8,5 млрд сўм.
2022 йилнинг якунларига кўра IT Park резидентлари сони 1 122 та компанияни ташкил этган бўлса, 2023 йил 1 март ҳолатига кўра 1173 тага (830 та компания — Тошкентда, 343 таси — вилоятларда жойлашган) етди.
Шундан:
- 419 — янги ташкил этилган компаниялар;
- 173 — хорижий капиталга эга компаниялар;
- 229 — таълим компаниялари;
- 352 — экспорт қилувчи компаниялар, улардан 188 таси – дастурчи-компаниялар;
- 164 таси — BPО компаниялари.
Тақдим этилаётган имтиёзлар туфайли IT Park резидентлари қўшимча иш ўринларини яратиб, мамлакатда IT-мутахассислар сафини кўпайтирмоқда. 2023 йил 1 январь ҳолатига кўра, резидент компанияларда 18 минг киши фаолият юритади.
IT Park’нинг 2022 йилдаги ютуқларига бағишланган пресс конференциясида маълум бўлишича, 2023 йил охирига қадар IT-хизматлар экспорти ҳажмини 300 миллион долларга, кейинги йилда эса — 500 миллион долларга етказиш режалаштирилган.
Изоҳ (0)