Филиппинлик истеъмолчилар пиёз қимматлиги туфайли уни харид қилмай қўйган. Бу ҳақда EastFruit хабар бермоқда.
-27.jpg)
Осиёнинг бу мамлакатида пиёзнинг бир килограмми қарийб 15 доллардан сотилмоқда, бу гўштдан ҳам қимматроқ.
Таъкидланишича, пиёз тўйларга совға сифатида олиб бориляпти, уни ҳатто келинларнинг гулдастасини ясашда ҳам қўллашмоқда.
Тақчил пиёз тўлов воситасига ҳам айланган: Флиппин пойтахти Маниладаги мебель дўконларидан бирида харидорларга февраль ойида тўловни пиёз билан амалга ошириш таклиф этилган.
Баъзи ресторанлар ўз менюсидаги таомлар таркибидан асосий ингредиентлардан бири бўлмиш пиёзни чиқариб ташлаган, кўпчилик оилалар эса уни харид қилмай қўйган.
Расмий маълумотларга кўра, ҳар бир филиппинлик йилига ўртача 2,34 кг пиёз истеъмол қилади ва назарий жиҳатдан мамлакатда ушбу талабни қондириш учун етарлича маҳсулот етиштирилади.
Аммо тропик иқлим бу экинни йилига бир марта экиш имконини бергани сабабли, захиралар янги ҳосилдан анча аввал тугайди ёки келгуси ҳосилга қадар маҳсулот сифати бузилади.
Ўтган йили Филиппинга супер тўфонлар келиб, экинларни нобуд қилган эди. Нотўғри режалаштириш пиёз импорти кечикишига олиб келди.
Маҳаллий трейдерлар ҳам бунга ўз ҳиссаларини қўшиб, пиёзни тўплаш ва уни қайта сотиш орқали бозорни манипуляция қилишди.
Изоҳ (0)