Жорий йилнинг февраль ойи якунида “Иқтисодий эркинлик индекси”нинг 2023 йил учун ҳисоботи эълон қилинди.
Ўзбекистон 56,5 балл билан (ўтган йилга нисбатан +0,8 балл) дунё бўйича 176 мамлакат орасида 109-ўринни эгаллаган ва ўтган йилга нисбатан 8 поғона юқорилаган.
Ўзбекистон 12 та индикаторнинг 7 тасида ижобий ва 5 тасида салбий ўзгаришларни қайд этди.
Хусусан, ижобий ўзгаришлар қуйидаги индикаторларда:
- Давлат яхлитлиги (+1,1 балл);
- Солиқ юки (+2 балл);
- Меҳнат бозори эркинлиги (+0,1 балл);
- Монетар эркинлик (+2,3 балл);
- Савдо эркинлиги (+0,4);
- Инвестициялар эркинлиги (+10 балл);
- Молиявий эркинлик (+10 балл).
Кўп йиллик иқтисодий турғунликдан сўнг, Ўзбекистон 2017 йилдан буён иқтисодий эркинликни таъминлашга қаратилган очиқлик ва модернизацияга ўтишни рағбатлантирадиган сиёсатини олиб бораётганлиги таъкидланган.
Шунинг билан бирга, Ўзбекистон Индексдаги мулкчилик ҳуқуқи (-0,7 балл), суд фаолияти самарадорлиги (-0,1 балл) давлат харажатлари (-3,2 балл) фискал саломатлик (-11,3 балл) бизнес эркинлиги (-0,2 балл) индикаторларида пастлаган.
Ўзбекистонда асосий иқтисодий эркинликни чеклайдиган тўсиқлар сифатида ҳуқуқ устуворлиги индикаторлари (мулкчилик ҳуқуқи, суд фаолияти самарадорлиги ва давлат яхлитлиги) жаҳон бўйича ўртача кўрсаткичидан пастлиги ва бу борада муҳим ислоҳотлар ўтказилиши лозимлиги кўрсатилган.
Изоҳ (0)