Даҳо ихтирочи, иқтидорли бизнесмен ва Apple асосчиси Стив Жобс ўзидан бутун дунё билан баҳам кўрган кўплаб мотивацион фикрлари орқали яшайдиган улкан меросни қолдирди.
Стив Жобс компьютер саноатидаги асосий шахслардан бири, жаҳон ахборот технологияларини ривожлантиришда улкан ютуқларга эришган одам. 1976 йилда у ўзининг дўсти ва технологи Стивен Возняк билан Apple компаниясига асос солган. Улар биринчи компьютерни Стив Жобснинг ота-онасининг гаражида йиғишди. Apple II деб номланган ушбу ихтиронинг такомиллаштирилган модели бутун дунё бўйлаб икки миллион нусхада сотилди ва унинг яратувчилари Силикон водийсининг энг бой аҳолисига айланди. Савдоларнинг ўсиши ва компаниянинг жадал ривожланиши билан унга истеъдодли бизнесмен Жон Скалли ҳам қўшилди ва у бош директор лавозимини эгаллади. Шу билан бирга, Жобснинг Apple компаниясидаги кучи заифлашди: акциядорлар корпорация акцияларини қанчалик кўп сотиб олишса, у бошқарув қарорларига шунчалик кам таъсир кўрсатиши мумкин эди. 1985 йилда у деярли ўн йил давомида юзи бўлган Apple компаниясини тарк этишга мажбур бўлди. Бироқ 12 йил ўтгач, у корпорациянинг янги раҳбари бўлиб қайтиб келди. Унинг раҳбарлигида Apple молиявий туйнукдан чиқиб, барқарор даромадга эриша олди ва дунёга инқилобий маҳсулотлар: iMac, iPod, iPhone ва iPad’ни тақдим этди.
2003 йилда Стив Жобсга ошқозон ости бези саратонининг кам учрайдиган шакли ташхиси қўйилган. Ҳаётининг кейинги йилларда у касаллик билан курашди, бир неча бор касалхонага ётқизилди, лекин ҳеч қачон ишлашдан, Apple гаджетларини ихтиро қилишдан ва такомиллаштиришдан тўхтамади. У чинакам даҳо, ўз ҳунарининг мухлиси, доимо комилликка интилувчан эди.
Стив Жобс 2011 йилда вафот этди. У 56 ёшда эди. Аммо унинг мобил гаджетлар оламида амалга оширган инқилоблари унинг номини бу дунё тарихига абадий ёзиб қолдирди. Биз Стив Жобснинг орзуларингизни рўёбга чиқаришга ва нима бўлишидан қатъи назар мақсадларингиз сари интилишга илҳомлантирадиган 20 та доно фикрини яна бир бор ёдга олишга қарор қилдик.
“Сўнгги 33 йил давомида мен ҳар куни эрталаб ойнага қараб, ўзимга савол берардим: агар бугун ҳаётимнинг сўнгги куни бўлса, мен бугун режалаштирганимни қила оламанми? Ва агар жавобим кетма-кет кунлар йўқ бўлса, мен ниманидир ўзгартиришим кераклигини билардим”.
“Сиз ўзингиз ёқтирган нарсани топишингиз керак. Ва бу муносабатлар бўлгани каби, иш учун ҳам тўғри келади. Сизнинг ишингиз ҳаётингизнинг кўп қисмини тўлдиради ва тўлиқ қониқишнинг ягона йўли — бу ажойиб туюлган нарсани ҳар куни бажаришдир. Буюк ишларни қилишнинг ягона йўли — қилаётган ишингизни севишдир”.
“Мен босқичма-босқич ўзгаришларни жуда ҳурмат қиламан ва ҳаётимда шунга ўхшаш нарсани қилишга ҳаракат қиламан, лекин негадир доимо инқилобий ўзгаришларга жалб қилинганман. Чунки улар қийинроқ. Улар ҳиссий жиҳатдан анча кучлироқ. Бундай ўзгаришлар пайтида сиз ҳамиша ҳам муваффақиятга эриша олмаслигингизни аён қиладиган даврни бошдан кечирасиз”.
“Яқинда вафот этишимни билиш катта танловга дуч келган пайтларда қарор қабул қилишимга ёрдам берган энг муҳим воситадир. Чунки амалда ҳамма нарса — ташқи умидлар, мағрурлик, шармандалик ёки муваффақиятсизлик қўрқуви — барчаси ўлим олдида йўқолади ва у фақатгина ҳақиқатан ҳам муҳим нарсаларни қолдиради. Ўзингнинг кун келиб бу дунёни тарк этишингни хаёлга келтириш — тузоқдан қутулиб қолишнинг энг яхши усули. Йўқотадиган нарсангиз борлиги ҳақидаги тушунчаларнинг саробга айланиши, яъни ўлим олдида сиз аллақачон яланғочсиз. Шундай экан юрагингиз буюрганига эргашмаслик учун ҳеч қандай сабаб йўқ”.
“Apple’дан кетиш мен билан содир бўлиши мумкин бўлган энг яхши нарса эди. Муваффақиятли одамнинг юки ўрнини ҳеч нарсага ишонмайдиган янги раҳбарнинг бепарволиги эгаллади. Ўзимни озод қилдим ва ҳаётимнинг энг ижодий даврларидан бирига қадам қўйдим”.
Иш ҳақида
“Мен қилган ишларимиз каби кўп қилмаганларимиз билан ҳам фахрланаман. Чунки инновация минглаб нарсаларга “йўқ” дейди”.
“Сиз сифат стандарти бўлишингиз керак. Баъзи одамлар мукаммаллик ўзига хос тарзда қабул қилинадиган шартларга ўрганмаган”.
“Менинг бизнес моделим — The Beatles. Тўрт йигит бир-бирининг салбий характерини назорат қилди. Улар бир-бирларини мувозанатлаштирдилар ва жами алоҳида қисмларнинг йиғиндисидан каттароқ нарса ҳосил бўлади. Мен бизнесга шундай қарайман: катта ишларни бир киши бажармайди, уларни жамоа бажаради”.
“Баъзида янгилик кирицангиз, хато қиласиз. Энг яхшиси, уни тезда англаб ва бошқа инновацияларингизни такомиллаштириш устида ишлашдир”.
Лидерлик ҳақида
“Нуқталарни олдинга қараб бирлаштира олмайсиз. Буни фақат орқага қараш орқали қилишингиз мумкин. Шунинг учун, келажакда нуқталар қандайдир тарзда боғланишига ишонишингиз керак. Сиз нимагадир ишонишингиз керак-ку. Феъл атворингизга, тақдирингизга, ҳаётингизга, чўнтагингизга, нима бўлишидан қатъий назар. Бу ёндашув мени ҳеч қачон тушкунликка солмаган ва ҳаётимни бугунгидек қилган”.
“Бу ҳар доим менинг мантраларимдан бири бўлган — диққат ва соддалик. Оддийлик мураккабдан кўра қийинроқ бўлиши мумкин: фикрларингизни тозалаш ва ҳамма нарсани оддий қилиш учун кўп ҳаракат қилишингиз керак. Аммо охир-оқибат бу машаққат чекишингизга арзийди: оддийликка эришиб, сиз тоғларни силжитишингиз мумкин”.
“Мен учун қабристонда энг бой одам ётган бўлиши муҳим эмас. Муҳими уйқуга ётар экан ҳаётингда бугун ҳақиқий мўжиза кўрсатганинг ҳақида ўйлашингдир”.
“Ишончим комилки, муваффақиятли тадбиркорларни омадсизлардан ажратиб турадиган нарсанинг ярми қатъиятдир”.
“Технология ҳеч нарса эмас. Энг бошиданоқ энг муҳим ва тўғри нарса бу одамларга ишонишдир. Уларга асбоблар беринг ва улар ёрдамида чиройли нарсаларни яратадилар”.
Ҳаёт ҳақида
“Бизда бировнинг ҳаёти билан ўтказишга сарфлайдиган кўп вақтимиз қолмади. Ғийбатларга ишонманг: сиз фақат бошқалар ўйлаб топган нарсаларга асосланиб яшай олмайсиз. Ҳеч қандай ҳолатда бошқа одамларнинг фикрлари сизнинг ички овозингизни бўғиб қўймаслиги керак. Ва энг муҳими, ўз юрагингизга ва ички сезгингизга эргашиш учун жасоратга эга бўлинг”.
“Ҳаётдаги энг севимли нарсаларим ҳеч қандай пул талаб қилмайди. Мен учун бизда мавжуд бўлган энг қимматли манба бу вақт экани кундай равшан”.
“Қалбингизга, ички овозингизга эргашиш учун жасоратли бўлинг. Улар сизнинг ким бўлишингиз ва хоҳлаётганингизни қандайдир тарзда аллақачон билишади”.
“Баъзида ҳаёт бошга ғишт билан уради, лекин ишончни асло йўқотма”.
Мавзуга доир:
Изоҳ (0)