Daho ixtirochi, iqtidorli biznesmen va Apple asoschisi Stiv Jobs o‘zidan butun dunyo bilan baham ko‘rgan ko‘plab motivatsion fikrlari orqali yashaydigan ulkan merosni qoldirdi.
Stiv Jobs kompyuter sanoatidagi asosiy shaxslardan biri, jahon axborot texnologiyalarini rivojlantirishda ulkan yutuqlarga erishgan odam. 1976-yilda u o‘zining do‘sti va texnologi Stiven Voznyak bilan Apple kompaniyasiga asos solgan. Ular birinchi kompyuterni Stiv Jobsning ota-onasining garajida yig‘ishdi. Apple II deb nomlangan ushbu ixtironing takomillashtirilgan modeli butun dunyo bo‘ylab ikki million nusxada sotildi va uning yaratuvchilari Silikon vodiysining eng boy aholisiga aylandi. Savdolarning o‘sishi va kompaniyaning jadal rivojlanishi bilan unga isteʼdodli biznesmen Jon Skalli ham qo‘shildi va u bosh direktor lavozimini egalladi. Shu bilan birga, Jobsning Apple kompaniyasidagi kuchi zaiflashdi: aksiyadorlar korporatsiya aksiyalarini qanchalik ko‘p sotib olishsa, u boshqaruv qarorlariga shunchalik kam taʼsir ko‘rsatishi mumkin edi. 1985-yilda u deyarli o‘n yil davomida yuzi bo‘lgan Apple kompaniyasini tark etishga majbur bo‘ldi. Biroq 12 yil o‘tgach, u korporatsiyaning yangi rahbari bo‘lib qaytib keldi. Uning rahbarligida Apple moliyaviy tuynukdan chiqib, barqaror daromadga erisha oldi va dunyoga inqilobiy mahsulotlar: iMac, iPod, iPhone va iPadʼni taqdim etdi.
2003 yilda Stiv Jobsga oshqozon osti bezi saratonining kam uchraydigan shakli tashxisi qo‘yilgan. Hayotining keyingi yillarda u kasallik bilan kurashdi, bir necha bor kasalxonaga yotqizildi, lekin hech qachon ishlashdan, Apple gadjetlarini ixtiro qilishdan va takomillashtirishdan to‘xtamadi. U chinakam daho, o‘z hunarining muxlisi, doimo komillikka intiluvchan edi.
Stiv Jobs 2011-yilda vafot etdi. U 56 yoshda edi. Ammo uning mobil gadjetlar olamida amalga oshirgan inqiloblari uning nomini bu dunyo tarixiga abadiy yozib qoldirdi. Biz Stiv Jobsning orzularingizni ro‘yobga chiqarishga va nima bo‘lishidan qatʼi nazar maqsadlaringiz sari intilishga ilhomlantiradigan 20 ta dono fikrini yana bir bor yodga olishga qaror qildik.
“So‘nggi 33 yil davomida men har kuni ertalab oynaga qarab, o‘zimga savol berardim: agar bugun hayotimning so‘nggi kuni bo‘lsa, men bugun rejalashtirganimni qila olamanmi? Va agar javobim ketma-ket kunlar yo‘q bo‘lsa, men nimanidir o‘zgartirishim kerakligini bilardim”.
“Siz o‘zingiz yoqtirgan narsani topishingiz kerak. Va bu munosabatlar bo‘lgani kabi, ish uchun ham to‘g‘ri keladi. Sizning ishingiz hayotingizning ko‘p qismini to‘ldiradi va to‘liq qoniqishning yagona yo‘li — bu ajoyib tuyulgan narsani har kuni bajarishdir. Buyuk ishlarni qilishning yagona yo‘li — qilayotgan ishingizni sevishdir”.
“Men bosqichma-bosqich o‘zgarishlarni juda hurmat qilaman va hayotimda shunga o‘xshash narsani qilishga harakat qilaman, lekin negadir doimo inqilobiy o‘zgarishlarga jalb qilinganman. Chunki ular qiyinroq. Ular hissiy jihatdan ancha kuchliroq. Bunday o‘zgarishlar paytida siz hamisha ham muvaffaqiyatga erisha olmasligingizni ayon qiladigan davrni boshdan kechirasiz”.
“Yaqinda vafot etishimni bilish katta tanlovga duch kelgan paytlarda qaror qabul qilishimga yordam bergan eng muhim vositadir. Chunki amalda hamma narsa — tashqi umidlar, mag‘rurlik, sharmandalik yoki muvaffaqiyatsizlik qo‘rquvi — barchasi o‘lim oldida yo‘qoladi va u faqatgina haqiqatan ham muhim narsalarni qoldiradi. O‘zingning kun kelib bu dunyoni tark etishingni xayolga keltirish — tuzoqdan qutulib qolishning eng yaxshi usuli. Yo‘qotadigan narsangiz borligi haqidagi tushunchalarning sarobga aylanishi, yaʼni o‘lim oldida siz allaqachon yalang‘ochsiz. Shunday ekan yuragingiz buyurganiga ergashmaslik uchun hech qanday sabab yo‘q”.
“Appleʼdan ketish men bilan sodir bo‘lishi mumkin bo‘lgan eng yaxshi narsa edi. Muvaffaqiyatli odamning yuki o‘rnini hech narsaga ishonmaydigan yangi rahbarning beparvoligi egalladi. O‘zimni ozod qildim va hayotimning eng ijodiy davrlaridan biriga qadam qo‘ydim”.
Ish haqida
“Men qilgan ishlarimiz kabi ko‘p qilmaganlarimiz bilan ham faxrlanaman. Chunki innovatsiya minglab narsalarga “yo‘q” deydi”.
“Siz sifat standarti bo‘lishingiz kerak. Baʼzi odamlar mukammallik o‘ziga xos tarzda qabul qilinadigan shartlarga o‘rganmagan”.
“Mening biznes modelim — The Beatles. To‘rt yigit bir-birining salbiy xarakterini nazorat qildi. Ular bir-birlarini muvozanatlashtirdilar va jami alohida qismlarning yig‘indisidan kattaroq narsa hosil bo‘ladi. Men biznesga shunday qarayman: katta ishlarni bir kishi bajarmaydi, ularni jamoa bajaradi”.
“Baʼzida yangilik kiritsangiz, xato qilasiz. Eng yaxshisi, uni tezda anglab va boshqa innovatsiyalaringizni takomillashtirish ustida ishlashdir”.
Liderlik haqida
“Nuqtalarni oldinga qarab birlashtira olmaysiz. Buni faqat orqaga qarash orqali qilishingiz mumkin. Shuning uchun, kelajakda nuqtalar qandaydir tarzda bog‘lanishiga ishonishingiz kerak. Siz nimagadir ishonishingiz kerak-ku. Feʼl atvoringizga, taqdiringizga, hayotingizga, cho‘ntagingizga, nima bo‘lishidan qatʼiy nazar. Bu yondashuv meni hech qachon tushkunlikka solmagan va hayotimni bugungidek qilgan”.
“Bu har doim mening mantralarimdan biri bo‘lgan — diqqat va soddalik. Oddiylik murakkabdan ko‘ra qiyinroq bo‘lishi mumkin: fikrlaringizni tozalash va hamma narsani oddiy qilish uchun ko‘p harakat qilishingiz kerak. Ammo oxir-oqibat bu mashaqqat chekishingizga arziydi: oddiylikka erishib, siz tog‘larni siljitishingiz mumkin”.
“Men uchun qabristonda eng boy odam yotgan bo‘lishi muhim emas. Muhimi uyquga yotar ekan hayotingda bugun haqiqiy mo‘jiza ko‘rsatganing haqida o‘ylashingdir”.
“Ishonchim komilki, muvaffaqiyatli tadbirkorlarni omadsizlardan ajratib turadigan narsaning yarmi qatʼiyatdir”.
“Texnologiya hech narsa emas. Eng boshidanoq eng muhim va to‘g‘ri narsa bu odamlarga ishonishdir. Ularga asboblar bering va ular yordamida chiroyli narsalarni yaratadilar”.
Hayot haqida
“Bizda birovning hayoti bilan o‘tkazishga sarflaydigan ko‘p vaqtimiz qolmadi. G‘iybatlarga ishonmang: siz faqat boshqalar o‘ylab topgan narsalarga asoslanib yashay olmaysiz. Hech qanday holatda boshqa odamlarning fikrlari sizning ichki ovozingizni bo‘g‘ib qo‘ymasligi kerak. Va eng muhimi, o‘z yuragingizga va ichki sezgingizga ergashish uchun jasoratga ega bo‘ling”.
“Hayotdagi eng sevimli narsalarim hech qanday pul talab qilmaydi. Men uchun bizda mavjud bo‘lgan eng qimmatli manba bu vaqt ekani kunday ravshan”.
“Qalbingizga, ichki ovozingizga ergashish uchun jasoratli bo‘ling. Ular sizning kim bo‘lishingiz va xohlayotganingizni qandaydir tarzda allaqachon bilishadi”.
“Baʼzida hayot boshga g‘isht bilan uradi, lekin ishonchni aslo yo‘qotma”.
Mavzuga doir:
Izoh (0)