Жанубий кореялик актёр Ли Жон Же “Калмар ўйини” сериалининг иккинчи мавсумини суратга олиш ишлари яқинда бошланиши ҳақида маълумот берди. Унинг сўзларига кўра, 2023 йилнинг ёзида сериалнинг янги мавсумини суратга олиш жараёнлари бошланади.
.jpg)
“Суратга олиш жараёнлари ёзда бошланади ва 10 ой давом этиши мумкин. Биз биринчи мавсумда ҳам 10 ой ишлаган эдик, бироқ бу пандемия туфайли кечикишларга сабаб бўлди. Иккинчи мавсум янада катта масштабли бўлишини ҳисобга олсак, бу ҳам узоқ вақтни талаб этади”, — дейди Ли.
Катта эҳтимол билан, “Калмар ўйини” сериалининг давоми 2024 йилнинг кузида томошабинларга тақдим этилади. Сериалнинг биринчи мавсуми Netflixъда 2021 йилнинг сентябрь ойида чиққан эди ва платформадаги барча лойиҳалар орасида биринчи ойдаги кўришлар сони бўйича рекорд ўрнатганди. “Калмар ўйини” сериалининг биринчи мавсуми Netflixъда 1,65 миллиард соат кўрилган.
2022 йилнинг ёзида расман лойиҳанинг иккинчи мавсуми суратга олиниши маълум қилинган эди. Сериалда бош ролни ижро этган актёр Ли Жон Же ва лойиҳа режиссёри Хван Дон-Хёк “Эмми” мукофотига сазовор бўлди.
Бунга параллел равишда Netflix “Калмар ўйини” асосидаги реалити-шоуни ишга туширди, унда ғолиб бўлган инсон 4,56 миллион доллар мукофот олади (сериалдаги ўйинчилар сонига қараб). Ҳозирда суратга олиш ишлари Буюк Британияда олиб борилмоқда.
Изоҳ (0)