Машҳур ёзувчи Жоан Роулингнинг “Гарри Поттер” ҳақидаги китобига асосланиб яратилган Hogwarts Legacy (“Хогвартс мероси”) видеоўйини 10 февраль куни чиқарилди ва кутилганидан ортиқроқ машҳурликка эришди, деб ёзмоқда Business Insider нашри.
.jpg)
Дастлабки икки ҳафта ичида Warner Broc. Discovery ўйиннинг 12 миллион нусхасини жами 850 миллион долларга сотди ва бу Warner Broc Games бўлими тарихидаги энг йирик жаҳон миқёсидаги лойиҳанинг ишга туширилиши ҳисобланади.
23 февраль куни Warner Broc. Discovery бош директори Давид Заславнинг маълум қилишича, видео ўйинларни ишлаб чиқиш компаниянинг умумий стратегиясида асосий ўринни эгаллайди.
“Истеъмолчиларнинг Hogwarts Legacy ўйинига муносабати жуда ижобий бўлди”, — дейди Заслав.
Hogwarts Legacy видеоўйини чиқарилишидан олдин ҳам Жоан Роулинг атрофидаги жамоатчилик танқидлари остида норозиликларга сабаб бўлди. “Гарри Поттер” асари муаллифи узоқ вақтдан бери трансфобияда айбланади. Франшизанинг баъзи мухлислари ёзувчининг баёнотлари туфайли ўйинни бойкот қилишга чақирган, яна юзлаб инсонлар Twitch’да Hogwarts Legacy’га қарши бир ҳафталик норозилик намойишини ўтказган.
Роулинг “Гарри Поттер” муаллифи сифатида лицензиядан фойдаланган ўйин яратувчилардан тўлов олади. Бироқ Hogwarts Legacy’ни ишлаб чиқувчилар ёзувчи ўйинни яратишда иштирок этмаганини маълум қилган.
Изоҳ (0)