Британия қироллик оиласининг бўлажак ходимларига йилига 30 минг доллар, ойига эса тахминан 2500 доллар маош ваъда қилинди, деб хабар бермоқда “Корреспондент.нет” нашри.
.jpg)
Қироллик оиласи ҳозирда 20 та бўш иш ўринлари борлигини маълум қилган. Шунингдек, Виндзор қалъаси чакана савдо ёрдамчиси, Кенсингтон саройи дастури координатори ва Букингем саройи катта лойиҳалар менежери лавозимлари учун бўш иш ўрни борлиги айтилган. Маошларнинг миқдори ҳеч қаерда кўрсатилмаган. Умуман олганда, бериладиган маош йилига 42 минг доллардан ошмайди.
“Рўйхатдаги энг юқори маошли иш ўрни — Жанубий қанотдаги катта лойиҳалар менежери лавозими бўлиб, у Букингем саройида олиб борилаётган таъмирлаш ишлари билан шуғулланади. Лавозим эгаси тажрибасига қараб йилига 72 минг долларгача маош олади ва бу доимий иш вақтини талаб этадиган лавозим ҳисобланади, шу билан бирга, жуда катта масъулиятни талаб этади. Саройда капитал таъмирлаш ишлари олиб борилади ва ҳамма нарса кейинги ярим аср давомида хизмат кўрсатиши керак. Қироллик оиласи томонидан санаб ўтилган бошқа иш ўринларининг аксариятига, жумладан, ишга олиш бўйича ёрдамчи, архив каталогчиси ва катта муҳаррир лавозимларига йиллик 27 минг доллардан 42 минг долларгача маош таклиф қилинган.
Маълум бўлишича, Forbes Буюк Британия қироллик оиласининг бойлигини 2021 йилда 28 миллиард долларга баҳолаган.
Изоҳ (0)