КХДР АҚШнинг Шимолий Корея норозилигига эътибор бермасдан, унга қарши “провокацион ҳаракатларни давом эттиришини” уруш эълон қилиш деб баҳолаши мумкин. Бу ҳақда КХДР ташқи ишлар вазирлигининг АҚШ билан муносабатларни назорат қилувчи департамент директори Квон Чжон Гин маълум қилди, деб хабар бермоқда Корея марказий телеграф агентлиги.
“АҚШ бундай провокацион ҳаракатларнинг давом этиши, КХДРга нисбатан душманлик, бизнинг такрорий норозилик ва огоҳлантиришларимизга эътибор бермаслиги давлатимизга қарши уруш эълон қилиш сифатида баҳоланиши мумкинлигини тушуниши керак”, — деди Квон Чжоно Гин.
Дипломатнинг сўзларига кўра, Қўшма Штатлар Жанубий Кореяда стратегик воситаларни жойлаштиришдан тийилиши ва КХДРга қарши қаратилган барча ҳарбий машғулотларни тўхтатиши керак.
19 февраль куни АҚШ, Япония ва Жанубий Кореянинг қўшма машғулотлари ҳақида эълон қилинганди. Уларда камида битта Америка B-1B стратегик бомбардимончи самолёти иштирок этади.
Ушбу машғулотлар фонида КХДР ракета синовларини ўтказмоқда. Хусусан, 23 февралга ўтар кечаси Пхенян Япон денгизи томон тўртта Хвасал-2 стратегик қанотли ракеталарини учирди.
Ушбу учиришлар фонида АҚШ ва Жанубий Корея Шимолий Кореянинг ядровий таҳдидларини биргаликда тийиб туришни кучайтириш учун яқин орада қўшимча машғулотлар ўтказишга келишиб олди.
Изоҳ (0)