“Азимут” авиакомпаниясининг Самарқанд—Уфа йўналиши бўйлаб учган самолёти техник сабабларга кўра “Самарқанд” халқаро аэропортига қайтди. Бу ҳақда Uzbekistan Airports матбуот хизмати хабар берди.
.jpg)
Қайд этилишича, Тошкент вақти билан соат 12:00 да бортида 87 йўловчи бўлган АZО7040 рейси учиш аэропортига келиб қўнган.
“Айни дамда йўловчилар Самарқанд аэропорти терминалига жойлаштирилди”, — дейилади хабарда.
Эслатиб ўтамиз, 2022 йил октябрда Россия “Азимут” авиакомпаниясининг Москвадан Урганчга учаётган самолёти Самарага фавқулодда қўнганди. Бунга йўловчилардан бирининг соғлиғи ёмонлашгани сабаб бўлган. 18 январь куни эса “Аэрофлот” компанияси самолёти Москвадан Гоага учаётган вақтида Урганчга қўндирилган эди.
Изоҳ (0)