Rossiya “Azimut” aviakompaniyasining Moskvadan Urganchga uchayotgan samolyoti Samaraga favqulodda qo‘ndi.
Uzbekistan Airports’ning xabar qilishicha, AZO-7059 reysini amalga oshirayotgan SSJ-100 samolyoti Samara shahrida favqulodda qo‘nishiga yo‘lovchilardan birining sog‘lig‘i yomonlashgani sabab bo‘lgan.
Jadvalga ko‘ra, samolyot Urganch xalqaro aeroportiga mahalliy vaqt bilan soat 07:35 da qo‘nishi kerak edi. Majburiy qo‘nish sababli parvoz kechiktirilmoqda.
Urganch aeroportiga yetib kelish mahalliy vaqt bilan soat 10:15 ga belgilangan. Urganchdan jo‘nash esa soat 11:00 da rejalashtirilmoqda. Vnukovo aeroportiga yetib kelish Moskva vaqti bilan soat 13:00 ga rejalashtirilgan.
Izoh (0)