Тошкент шаҳри Чилонзор туманидаги савдо-кўнгилочар мажмуасида 17 февраль куни 7 ёшли боланинг боши жароҳатланди. Бу ҳақда унинг онаси Facebook’даги “Потребител.уз” гуруҳида хабар қолдирди.
Қайд этилишича, оила соат 17:40 да ўғлининг туғилган кунини нишонлаш мақсадида майдончага борган, соат 17:47 да эса боланинг боши сув қувурига тегиб ёрилган. У майдончадан 3 см чуқурликдаги жароҳати билан қонга беланган ҳолда чиққан.
Тоғ-кон, геология ва саноат хавфсизлигини назорат қилиш инспекцияси мутахассислари томонидан ҳолат юзасидан ўрганиш ўтказилган ҳамда “Atlas” савдо-кўнгилочар мажмуасидаги Pixel майдончаси болалар ўйнаши учун хавфсиз ҳолатга келтирилди ва келгусида бундай ҳолатларга йўл қўймаслик бўйича кўрсатмалар берилган.
Изоҳ (0)