АҚШ Ҳарбий-ҳаво кучлари учувчиси Америка расмийлари Хитойнинг жосуслик аппарати деб атаган оқ шар йўқ қилинишидан бир кун аввал у билан селфига тушди. Пентагони суратни Getty Images нашрига тақдим этди.
4 февраль куни уриб туширилган шар Bloomberg маълумотларига кўра, тахминан 58 минг фут (17,6 км) баландликда бўлган, у Жанубий Каролина қирғоқларида уриб туширилган. Пекин шар тадқиқот учун учирилгани ва кутилмаганда АҚШ ҳудудига кириб қолганини айтиб, унинг йўқ қилинишига норозилик билдирди.
Кейинроқ АҚШ президенти Жо Байден ҳаво шари қолдиқларини ўрганиш чоғида унинг разведка операцияларига алоқадорлигини билдирувчи белгиларни топилмаганини айтди. Унинг фикрича, бу ҳолат икки давлат “дипломатлари ва ҳарбийлари ўртасида очиқ мулоқот линиялари” зарурлигини кўрсатган.
“Биз Хитой билан зиддиятга эмас, рақобатга интиламиз. Янги совуқ урушни истамаймиз. Аммо мен кечирим сўрамайман ”, — деди Байден.
АҚШ осмонида қайд этилган разведка шари Давлат котиби Энтони Блинкенни Пекинга режалаштирилган сафарини бекор қилишга ундади. Шундан сўнг АҚШ ҳарбийлари Шимолий Америка осмонида яна учта учар объектни уриб туширди.
Изоҳ (0)