Ҳаммага бирдек ёқадиган шоколадли эклер тайёрлаймиз

Қаймоқли крем ва юмшоқ хамирдан тайёрланадиган десерт шоколадни яхши кўрувчилар учун яхши вариант бўла олади. Кремнинг ўрнига ўзингизга ёққан мураббодан ҳам фойдаланишингиз мумкин. 

Кремига солинадиган маҳсулотлар:

• қора ёки сутли шоколад — 170 г
• тухум сариғи — 4 дона
• шакар — 100 г
• ун — 30 г
• сут — 480 мл
• сариёғ — 1 ош қошиқ

Хамири учун керакли масаллиқлар: 

• сут — 120 мл
• сув — 120 мл
• сариёғ — 100 г
• шакар — 1 чой қошиқ
• туз — бир чимдим
• ун — 120 г
• тухум — 4 дона

Глазур тайёрлаш учун ишлатиладиган маҳсулотлар:

• қора шоколад — 180
• 33 фоизли қаймоқ — 80 мл
• ванилин — ярим чой қошиқ
• туз — 1 чимдим

Тайёрланиши: 

1. Шоколадни майдалаб, сув ҳаммомида ёки микротўлқинли печда эритиб олинг. Идишга тухум сариғи, шакар ва унни қўшиб яхшилаб аралаштиринг.
2. Сутни қайнатиб олинг. Тухум сариғини қўшиб аралаштириб олинг.
3. Аралашмани қайнатиб олинг. Аралаштириб, қалинлашгунча 1-2 дақиқа давомида пиширинг.
4. Эритилган шоколадни солинг, яхшилаб аралаштиринг. Крем солинган контейнерни музли идишга жойлаштиринг. Массани совитиш учун 2-3 дақиқа давомида аралаштиринг.
5. Кремга эритилган сариёғни қўшиб, аралаштириб олинг. Уни ёпиштирувчи плёнка билан ўранг, 3-4 соат давомида музлаткичга қўйинг.
6. Кастрюлка ёки бошқа идишга сут, сув, сариёғ, шакар ва тузни қўшиб аралаштиринг. Массани қайнатиб олинг.
7. Массани олиб, ун солинг ва яхшилаб аралаштиринг. Хамирни печкага қайтаринг. 2-3 дақиқа пишириб, қаттиқроқ ҳолатга келгунча аралаштириб олинг.
8. Массани идишга солинг ва озгина совитиб олинг. Тухумларни бирма-бир қўшинг, яхшилаб аралаштиринг.
9. Печни 200 даража ҳароратда олдиндан қиздириб олинг. Листни пергамент қоғоз билан ўранг.
10. Хамирни қандолат пакетига солинг. Листга 10 см узунликда хамирларни қуйиб чиқинг ва уларнинг орасида бироз масофа қолдиринг.
11. Эклерларни 25-30 дақиқа давомида қизаргунга қадар пишириб олинг. Буғни чиқариш учун печни бир неча сония очинг ва яна 3-5 дақиқа пиширинг. Эклерларни печдан олиб, совитишга қўйинг. 
12. Совитилган кремни учли қолипга солинг. Эклерларнинг пастки қисмида кичик бир тешик очинг ва у орқали эклерларнинг ичини қаймоқ билан тўлдиринг.
13. Шоколадни майда қилиб тўғраб олинг ва идишга солинг, крем, ванилин ва бир чимдим туз қўшинг.
14. Массани аралаштиринг, сув ҳаммомида эритиб олинг. Эклерларнинг юқори қисмини шоколадга ботириб олинг. Эклерларни музлаткичга 15-20 дақиқага қўйинг.

Ёқимли иштаҳа!