Қийма ва помидор қайласи спагетти билан классик комбинацияни ҳосил қилади. Таомга қўзиқорин қўшсангиз янада мазали бўлади.
.jpg)
Керакли масаллиқлар:
- пиёз — 1 дона
- саримсоқ — 2 донача
- қўзиқорин — 400 г
- помидор қайласи — 800 г
- ўсимлик ёғи — 2-3 қошиқ
- томат пастаси — 2 қошиқ
- қийма — 400 г
- туз — таъбга кўра
- мурч — таъбга кўра
- спагетти ёки бошқача макарон тури — 400 г
Тайёрланиши:
- Пиёз ва саримсоқни майда, қўзиқорин ва помидорни эса ўртача шаклда тўғраб олинг.
- Ўсимлик ёғини ўртача оловда қиздиринг. Пиёз ва саримсоқни 4-5 дақиқа давомида қовуринг. Томат пастаси билан аралаштиринг ва яна бир дақиқа қовуриб олинг.
- Қовурилаётган масаллиқларга қийма қўшинг, аралаштиринг ва яна 3-4 дақиқа пиширинг. Аралаштиринг ва қошиқ билан катта бўлакларни майдаланг.
- Қўзиқоринларни солинг ва ҳамма нарсани 3-4 дақиқа давомида қовуринг.
- Помидор қайласини қўшинг. Қайнатгандан кейин оловни ўртача даражага туширинг, идиш қопқоғини ёпинг ва 25-30 дақиқа давомида қайнатиб олинг. Таъбингизга мослаб туз ва мурч қўшинг.
- Макаронни 8-10 дақиқа қайнатиб олинг, қанча вақт қайнатилишини билиш учун ўрамга қаранг. Макароннинг сувини тўкиб ташланг.
- Макаронни қайла пиширилган товага солинг ва аралаштиринг. Бир-икки дақиқадан сўнг таомни ликопчаларга солиб, дастурхонга тортинг.
Ёқимли иштаҳа!
Изоҳ (0)