Туркия ва Сурияда содир бўлган зилзилалар оқибатида ҳалок бўлганлар сони 40 мингдан ошди. Бу ҳақда Al Jazeera хабар берди.
Туркия ҳукумати вайроналар остидан 35 418 кишининг жасади топилганини, Сурия расмийлари эса 5 800 дан ортиқ одам ўлганини маълум қилди. Туркия президенти Ражаб Тоййиб Эрдўғон мамлакатда вайроналар остидан 8 мингдан ортиқ одам тирик олиб чиқилганини таъкидлаган.
Халқаро миграция ташкилотининг гуманитар ёрдам юкланган ўнта юк машинаси Баб эл-Салом назорат-ўтказиш пункти орқали Сурияга жўнатилган. Туркиядаги зилзиладан 200 соат ўтгач қутқарувчилар вайроналар остидан тирик одамларни ҳам аниқламоқда.
БМТ ҳисоб-китобларига кўра, зилзилалардан сўнг Сурияда 5,3 миллионга яқин одам бошпанасиз қолиши мумкин. Туркия ва Сурияда 900 мингга яқин одам зудлик билан иссиқ овқатга муҳтож.
Туркия ва Суриядаги зилзила
2023 йилнинг 6 февралида Туркиянинг жануби-шарқида 7,8 магнитудали зилзила содир бўлди, 100 га яқин давлат ёрдам таклиф қилди. Мамлакат аҳолиси зилзилаларни маҳаллий вақт билан соат 04:17 да сезган, зилзила ўчоғи Газиантеп шаҳри бўлган. Расмийлар бу шаҳарни бутунлай бузиб ташлаб, қайта қурилишга қарор қилган.
Туркия президенти мазкур зилзила 1939 йилдан бери энг кучли ер силкиниши ҳисобланишини айтди. Шунингдек, Ражаб Тоййиб Эрдўғон Туркия нафақат ўз тарихидаги, балки инсоният тарихидаги энг йирик табиий офатлардан бирига дуч келганини айтди. Президент “Туркия қийин пайтларда ёрдам қўлини чўзганларни унутмаслигини билдирди.
Изоҳ (0)