Семириб кетмаслик учун қандай овқатланиш лозим? Озғин аёлларнинг 10 та фойдали одати

Дугоналар, ҳамкасб ёки қўшнилари орасида нозик қоматлилари, албатта, топилади. Кўз ўнгимизда улар жуда кўп овқат ейдилар ва умуман семирмайди. Баъзан бу генетика билан боғлиқ. Баъзан эса тўғри бажариладиган кундалик одатларга.

Улар етарлича ухлайди

Эҳтимол, улар соат 23:00 да уйқуга ётишади, 12:00 дан олдин уйғонишади. Тушдан сўнг болалари билан бирга дам олишади. Асосийси, уларда сурункали уйқусизлик йўқ. Энергия етишмаслигини озиқ-овқат билан тўлдириш керак эмас. Биз билган “энергияни қайта тикловчилар” орасида биринчи ўринда шоколад, печене ва чипслар семириб кетишга мойиллик яратадилар.

Ўзларини мамнун қилишни рад этмайдилар

Озғин аёллар лаззатларни нафақат овқатлардан, балки ҳаётнинг турли соҳаларидан топадилар. Улар саёҳатларга борадилар (ҳатто, яқин атрофдаги шаҳарларга ҳам), дўстлар учун вақт топадилар (албатта, улар билан бирга кафеда ўтирмайдилар, балки конкида юқорига чиқадиган деворга борадилар ёки кинога тушадилар), қизиқарли машғулотлар (30 ёшлилар учун қўшиқ айтишни ўрганишни шармандалик ва аҳмоқлик деб ҳисобламанг) билан вақт ўтказадилар. Ўзингизни хурсанд қилишнинг кўплаб усуллари турганда ширинликларсиз амалга оширадиган одатлар билан машғул бўлиш семириб кетаётганингиз ҳақида ўйлаб ўтиргандан кўра фойдалироқдир.

Кучли парҳез тутмайдилар

Ҳамиша келишган қоматли аёллар ўзларини кучли чекловлар билан қийнамайди. Баъзида улар жуда кўп овқатланадиган ва умуман семирмайдиганга ўхшайди. Бир томондан, бу тўғри: улар ҳақиқатан ҳам ўзларига хоҳлаган нарсани ҳатто, тортни ҳам ейишга рухсат беради. Аммо душанбадан бошлаб улар кучли парҳезга ўтмагани учун, эртанги кунлар учун ҳам бугун овқатланишлари шарт эмас. Бу шуни англатадики, улар тортдан бир бўлак ейдилар ва тўхтайдилар. Чунки бундан ортиғини шунчаки хоҳлашмайди.

Шошилмайдилар

Улар семириб кетмаслик учун қандай овқатланишни билишади. Сиз аста-секин, ҳис-туйғу, тартиб ва ​​албатта, завқ билан овқатланишингиз керак. Озғин аёллар бошқалар каби тўйиш сигнали овқатланганингиздан тахминан 20 дақиқадан сўнг мияга етиб боришини биладилар. Аммо фарқли равишда улар илм-фан ютуқларини ҳаётга татбиқ этган ҳолда ўзлари амал қилади.

Ўз эҳтиёжларини билишади

Нима учун айримлар кўп овқат егани билан семирмайди? Балки улар кунига таомни оз-оздан бир неча марта овқатланишар. Ёки таомни уч маҳал ейдилар. Тўйимли нонушта қилишади. Эрталабга фақат бир чашка қора қаҳва ичишар, бир неча соатдан кейингина овқатланишар. Гап шундаки, бундайлар таниқли диетологларнинг маслаҳатларига кўр-кўрона эргашмайдилар, аксинча, ўзларини яхши ҳис қилишлари учун қандай овқатланиш кераклигини ўзлари биладилар.

Фақат оч қолганда овқатланадилар

Баъзилар овқатланиш тартибини ва соғлом бўлишни биладилар, шу боис дўстлари, ҳамкасблари ёки турмуш ўртоғи билан бирга нимадир еб ўтирмайди. Столда ёнма-ён ўтиришса ҳам уларнинг олдида ҳеч нарса бўлмайди. Ҳамкасблар билан йиғинларда эса лимонли сув ичишлари мумкин, холос.

Соғлом маҳсулотларни танлайдилар

Ҳамиша қоматини бир хил ушлайдиганлар қандай овқатлар уларни тезда семиртириб юборишини билишади, шунинг учун озуқаларнинг соғлом муқобилларини танлашади. Табиий шакар, тўйинтирилган сут, творог ва оддий ёғли ёгуртлар, сариёғ — буларнинг барчаси ўрнини босувчи маҳсулотларга қараганда мазалироқдир. Шундай қилиб, ҳатто, кичик бир қисмдан ҳам кўпроқ завқ оласиз.

Фаол ҳаракатни яхши кўрадилар

Кўп пиёда юришади, чанғида учишади, кечки пайтлар Лотин Америкаси мусиқаларига рақсга тушади. Керак бўлганда шартта туриб спорт зал томон кетадилар. Улар шунчаки ўзлари ёқтирган фаолият турини топиб оладилар. Шундан кўп овқат ейишса ҳам семириб кетмасликка қодир.

Стресс билан қандай курашишни биладилар

Нега бундай инсонлар кучли стрессдан кейин семирмайди? Улар ўзлари билан медитация қилади, нафас олиш техникасидан фойдаланади ва арт-терапия билан шуғулланади. Ёки дарҳол турмуш ўртоғига оғриқли ҳодисаларни айтиб беришади, бир сўз билан айтганда ҳис-туйғуларни ичга ютмайдилар. Қандай бўлмасин, улар стрессни шоколад билан эмас, балки бошқа (одатда самаралироқ) усуллар билан енгиллаштиришни билишади.

Ўзларини бошқара оладилар

Ҳа, қабул қилиш қанчалик ачинарли бўлмасин, лекин бизнинг вазнимиз тўғридан-тўғри истеъмол қилинган калориялар сонига боғлиқ. Нозик қоматли аёлларнинг асосий сири шундаки, улар семира бошлаганларида ўз вақтида вазиятни қандай назорат қилишни билишади ва ҳатто, бир ёки икки килограмм ортиқча вазн пайдо бўлганини сезадилар. Турмуш қурсалар ҳам, фарзандли бўлсалар ҳам, зиёфатга борсалар ҳам дам олишмайди. Бунинг ёрдамида улар вазннинг тубдан ўзгаришига йўл қўймайдилар, яъни кучли диеталар ёки машаққатли машғулотларга бўлган эҳтиёж ўз-ўзидан йўқолади.

Қандай овқатланиш лозимлиги ва семирмаслик ҳақида маслаҳатлар

• Зарарли ширинликлар ҳақида унутинг. Пишириқлар, торт ва кексларни таомномадан бутунлай чиқариб ташлашингиз керак бўлса-да, унинг ўрнига резавор, қуруқ ва ҳўл мевалар, асал, қора шоколад ва шакарсиз мармелад каби фойдали ширин муқобилларини инкор этиб бўлмайди.
• Сув ичиш режимига риоя қилинг. Сув очлик ҳиссини сездирмайди, метаболизмни тезлаштиради ва вазнни камайтиради. Аёллар кунига камида 2 литр сув ичишлари керак.
• Кунига 7 соат ухланг. Уйқусизлик ҳаддан ташқари кўп овқатланишга олиб келади. Бу очлик ҳиссини рағбатлантирадиган грелин гормони ишлаб чиқарилиши туфайли юзага келади.
• Кучли диета қилишни тўхтатинг. Улар нафақат самарасиз бўлиши мумкин, балки қаттиқ чекловлар кўпроқ килограмм ва жиддий соғлиқ муаммоларига олиб келиши ҳеч гап эмас.
• Эрталаблари, албатта, нонушта қилинг. Биринчи таом кун бўйи энергия беришга ва метаболизмни тезлаштиришга ёрдам беради. Соғлом нонушта таркибида оқсиллар, мураккаб углеводлар ва клечатка тахминан 400 килокалория миқдорида бўлиши лозим.

Мавзуга доир:

• Тери бурмалари, иммунитет пасайиши, депрессия: вазн йўқотганда организмда қандай ўзгаришлар кузатилади?
• Озишга қарор қилган бўлсангиз, ҳар доим музлаткичдан топилиши керак бўлган 6 та маҳсулот