Ҳамма микротўлқинли печларда ҳам буғ ёрдамида тозалаш функцияси бўлавермаслиги мумкин. Бундай вазиятларда қуйидаги тавсиялар қўл келиши аниқ.
.jpg)
Озиқ-овқат қолдиқлари
Микротўлқинли печга тўғралган лимон, лайм ёки апельсин бўлаклари солинган бир стакан сувни қўйинг. Унга бир неча ош қошиқ цирка қўшинг. Печнинг максимал қувватини ёқиб, сув қайнаб кетгунча ва микротўлқинли печнинг ойнаси буғлангунча 15 дақиқа давомида кутиб туринг, кейин печнинг эшигини очиб, стаканни олинг. Печнинг ён томонларини шимгич (губка) билан артиб олинг.
Печнинг ёғланган эшиги
Печ эшигининг периметри атрофидаги резинани сув билан намланган шимгич билан тозаланг. Эшикнинг ички қисмини цирка ва сув аралашмаси билан артиб олинг (50 га 50 нисбатда), уни қуритиб, яна бир марта нам салфетка билан тозаланг.
Эски кетиши қийин бўлган доғлар
Агар микротўлқинли печда кетиши эски, кетиши қийин бўлган доғлар мавжуд бўлса, бундай ҳолатда махсус тозалаш воситаларидан фойдаланган маъқул. Улар қуйидагича ишлатилади: микротўлқинли печнинг ичига ликопчага солинган тозалаш воситасини қўйишингиз ва уни 10 дақиқа давомида тўлиқ қувватга ёқишингиз керак. Кейин печнинг сиртини қуруқ юмшоқ мато билан артиб олишингиз керак.
Микротўлқинли печни ювишда муаммо юзага келмаслиги учун сиз техниканинг ҳолатини диққат билан кузатиб боришингиз ва унинг қуришини кутмасдан дарҳол кирни олиб ташлашингиз керак.
Изоҳ (0)