Си Сзинпин армияга 2027 йилгача Тайванни босиб олишга тайёрланишни буюрган — АҚШ разведкаси

Хитой раиси Си Сзинпин мамлакат армиясига 2027 йилгача Тайван устидан назорат ўрнатиш учун операция ўтказишга тайёр туришни буюрди. Бу ҳақда АҚШ Марказий разведка бошқармаси раҳбари Уилям Бернс маълум қилди, деб ёзади Reuters.

Разведка раҳбари бу Хитой оролни шу муддатгача босиб олади, дегани эмаслиги, бироқ Пекиннинг Тайванга нисбатан амбицияларини эътибордан четда қолдирмаслик кераклигини таъкидлади.

“Бу Си Сзинпиннинг 2027 йилда бостириб киришга қарор қилганини англатмайди, лекин бу унинг йўналиши ва амбицияларининг жиддийлигини эслатади. Марказий разведка бошқармасидаги хулосаларимиз шундан иборатки, мен Си Сзинпиннинг Тайванга бўлган амбицияларига паст назар билан қарамайман”, — дейди Бернс. 

Аввалроқ АҚШ генерали 2025 йил Хитой билан уруш бошланишини айтиб, офицерларни тайёрланишга чақирганди. Оқ уй расмийси эса генералнинг назари Пентагоннинг Хитойга нисбатан қарашларини акс эттирмаслигини билдирганди.

Мавзуга доир:

• Тайван билан ҳарбий низо юз берган тақдирда, Хитой ғолиб бўлиши даргумон — америкалик экспертлар
• Учинчи жаҳон уруши 2023 йилда бошланиши мумкин бўлган 5 та жой